Kakamasiyani xlakata ankgalhin naskujnanikgo Jehová

Tuku lanit masiya pi akxni tiku xasasti lichuwinankgo Dios kamasiyanikan lata akxni tsukukgo pi xatapaxuwan nalichuwinankgo chu ni namakgxtakgkgo, tlakg tlan kakitaxtuni (Pr 22:6; Flp 3:16). Unu tatekgsa makgapitsi tastakyaw xlakata la tlan namakgtayaya mintamakgalhtawakgen xlakaskinka naʼakxilha nalichuwinan Dios.

• Akxni nawankan pi mintamakgalhtawakgen tlan nalichuwinan Dios, tunkun katsuku mamakgatawakgeya (km 8/15 pág. 1). Kamasiyani pi xlakaskinka akgatunu semana nalichuwinan Dios (Flp 1:10). Kalichuwinanti tuku tlan kitaxtu niku lichuwinanatit Dios (Flp 4:8). Kamakgpuwantini naʼan talichuwinan Dios tiku pulalima grupo chu amakgapitsi natalan xlakata nalitamakgtaya tuku xlakan katsinikgo (Pr 1:5; km 10/12 pág. 6 párr. 3).

  

• Akxni mintamakgalhtawakgen tamununita, chuntiya kamakgpuwantini chu kamasiyani la nalichuwinan Dios, liwaka komo nina masputuyatit libro «Kxtapaxkit Dios» (km 12/13 pág. 7).

  

• Ni xatuwa tuku kamaklakaskinti akxni akxtum napina talichuwinana Dios tiku xasasti. Akxni kgaxpatnitata la lichuwinan Dios kawani tuku tlan tlawalh. Kawani tuku tlan namakgtaya xlakata tlakg tlan nalichuwinan Dios (km 5/10 pág. 7).