La namaklakaskinaw folleto Kakgalhakgaxpatti Dios

Folleto Kakgalhakgaxpatti Dios, tlawaka xlakata nakamasiyaniyaw xapulana tamasiy xalak Biblia tiku nila liwana kgalhtawakgakgo, wa xlakata limin dibujos. Akgatunu takgalhtawakga min kmaktiy páginas chu limin dibujos nema liwana laksakkanit, chuna la lakkaxwilikanit katsitilhayaw tuku dibujo stala.

Folleto Kakgalhakgaxpatti Dios chu nalatapaya, limin watiya dibujos xla folleto Kakgalhakgaxpatti Dios, pero tlakg limin tatsokgni. Tiku tlakg tlan likgalhtawakganankgo tlan nakalimakgalhtawakgekan uma. Na wa maklakaskinkgo tiku makgalhtawakgenankgo maski limakgalhtawakget maklakaskin Kakgalhakgaxpatti Dios. Makgapitsi páginas limin recuadro nema tlakg lichuwinan tuku akxilhka chu tlan nalichuwinankgo komo tiku makgalhtawakgemaka ni tuwa makgkatsi.

Tlan namastayatit uma maktiy folletos maski ni wa tamastama ama papa’. Akxni namakgalhtawakgenana kamaklakaskinti dibujos xlakata nalichuwinana tuku wan Biblia. Katlawani takgalhskinin tiku makgalhtawakgepat xlakata nachuwinan chu nakatsiya pi xlikana akgatekgsniman. Kalikgalhtawakga chu kalichuwinanti textos akxni akxilhnitantita maktum página. Akxni nalikgalhtawakgakgoyatit folleto, kalikgalhtawakgatit libro ¿Tuku xlikana masiya Biblia? xlakata namakgtayaya milimakgalhtawakget natatliwakglha xtakanajla asta natamunu.