¿Tiku tlan nakwanipara?

Akgatunu kata tlawakan akgtum xlakaskinka campaña xlakata nakawaniyaw latamanin kakinkatalakapastakkgon akxni tinilh Cristo. Wa tiku tlakg nakawaniyaw wa tiku ni kalakgapasaw. Pero na talakaskin nakawaniyaw tiku kalakgapasaw. Chatum lataman max naʼan komo tiku maxki invitación max lakgapasa (yb08-S 11 párr. 3; 14 párr. 1). ¿Tiku tlan xkawaniw?

• Kifamiliajkan

• Tiku kataskujaw o kataʼanaw kʼescuela.

• Kintalakatsukan.

• Latamanin tiku kalakgapaxialhnanaw, tiku kamakgalhtawakgemaw o tiku katakgalhtawakgaw makgasa.

Nachuna, lakgkgolotsin na xliwanitkan pi kaminkgolh natalan tiku nialh lichuwinankgo Dios. ¿Pero tuku tlan natlawaya komo mintalilakgapasni tiku waniputuna ni lakatsu wi? Kaputsananti niku chu tuku hora natatlawa akxni natalakapastaka akxni tinilh Cristo lakatsu niku wi mintalilakgapasni. Xlakata chuna natlawaya, katanu kkisitiojkan jw.org, kapit niku wan XLAKATA AKININ chu kapita niku wan «Akxni talakapastaka akxni tinilh Cristo». Xlakata nina lakgchan uma xlakaskinka kilhtamaku kalakpuwanti tiku kawaniputuna chu kakawani.