Xlikalanka katiyatni namastayaw invitación xlakata nalakapastakaw akxni tinilh Jesús
1. ¿Tuku natatlawa xlikalanka katiyatni akxni nialh lhuwa kilhtamaku tsankga natalakapastaka akxni tinilh Jesús?
1 «Wa yuma ntlawamaw nchu, ankgalhin natlawayatit nakililakapastakatit.» (Luc. 22:19.) Xlakata kgalhakgaxmatkgo uma xlimapakgsin Jesús, xtatayananin Jehová chu lhuwa latamanin tiku lakgatikgo ankgo ktamakxtumit naktamakxtumiyaw 30 xla marzo kata 2010 xlakata naklakapastakaw akxni tinilh Cristo. Pero pulana xlikalanka katiyatni natamakgpitsi tlakg xlakaskinka invitación chu natsukukan 13 xla marzo chu nasputa 30 xla marzo kata 2010.
2. ¿La tlan nawanaw akxni namastayaw invitación?
2 La tlan natlawayaw. Akxni namastaya invitación katasiyalh xadibujo xalak pulana página chu max tlan nawana: «Lhuwa millones latamanin xla xlikalanka kakilhtamaku naktamakxtumiyaw 30 xla marzo akxni tsankganita nawan chichini xlakata naklakapastakaw akxni tinilh Jesús. Uma invitación mila chu xla mifamilia xlakata napinatit. Mi amigos na tlan naʼankgo. Unu wi tuku hora chu niku natatlawa [kamasiyani niku wi]». Komo tiku tachuwinampat masta talakaskin, tlan nalikgalhtawakganiya xlimapakgsin Jesús nema wi kLucas 22:19. Pero kalakapastakti pi ni lhuwa kilhtamaku kgalhiyaw xlakata namakgpitsiyaw invitación, wa xlakata ni lhuwa tuku nawana.
3. ¿Tiku tlan nakamaxkiyaw invitación?
3 Komo niku lichuwinan Dios congregación lu lanka, max lakgkgolotsin nalakkaxwilikgo pi akxni natsukukan makgpitsikan invitación nakamakgxtakgkan kchiki maski niti wilakgo. Na tlan namastaya revistas akxni nakgaxmatkgo tiku nakatachuwinana. Nachuna, kakamaxki invitación tiku nakalakgpimparaya, tiku kalimakgalhtawakgeya Biblia, tiku kataskuja o tiku katapina kʼescuela, mifamilia, mintalakatsu o atanu tiku kalakgapasa.
4. Xlakata paxtikatsiniyaw xtapaxkit Jehová, ¿tuku nakinkamatlawiyan?
4 Kalakkaxwili minkilhtamaku xlakata tlakg nalichuwinana Dios. Akxni nalakgchan natalakapastaka akxni tinilh Jesús tlan tlakg nalichuwinanaw Dios. ¿Tlan nalakkaxwiliya minkilhtamaku xlakata precursor auxiliar nawana? ¿Stakmakgo xtakanajlakan minkamanan o tiku kalimakgalhtawakgeya Biblia? Komo chuna, kakatachuwinanti lakgkgolotsin xalak congregación xlakata naʼakxilhkgo komo makgatsikgo tuku taskin xlakata na tlan nalichuwinankgo Dios pero nina tamunukgo chu chuna, na tlan nakinkatamakgpitsikgoyan invitación. Xlakata paxtikatsiniyaw xtapaxkit Jehová tiku kinkamaxkin talakgmaxtut natlawa pi natawilayaw akxni natalakapastaka akxni tinilh Jesús chu na nakamaxkiyaw invitación lhuwa latamanin (Juan 3:16).