Kalitamakgtaya referencias marginales

Akxni nalikgalhtawakgaya Traducción del Nuevo Mundo, naʼakxilha pi akxni sputa makgapitsi tachuwin limin akgtum aktsu letra. ¿Tuku xlakata wilikanit? Xlakata natekgsa atanu textos nema tlakg lichuwinan tuku likgalhtawakgapat. Umakgolh referencias masiya pi tanu tanu textos xalak Biblia latatalakxtumi. Komo likgalhtawakgapat Biblia xakapsnat, tlan natekgsa uma laktsu letra kcolumna nema min kxlakʼitat página. Komo akxilhpat Biblia ksitio jw.org o kʼaplicación JW Library^®, kajwatiya talakaskin napitaniya letra xlakata naʼakxilha referencia.

¿Tuku lichuwinan umakgolh referencias? Wa uma makgapitsi:

Textos nema watiya tuku lichuwinan. Referencia limin atanu texto nema watiya lichuwinan tuku likgalhtawakgapat. Akgtum liʼakxilhtit, 2 Samuel 24:1 limin akgtum referencia nema namaputsiyan 1 Crónicas 21:​1, chu komo akxilhpat 1 Crónicas 21:1 namaputsiyan 2 Samuel 24:1.

Niku takilhtiya. Referencia masiya niku takilhtiya texto nema likgalhtawakgapat. Akgtum liʼakxilhtit, komo naputsaya Mateo 4:​4, naʼakxilha pi referencia namaputsiyan Deuteronomio 8:3.

Tuku xwankanit chu la kgantaxtulh. Komo likgalhtawakgapat pulaktum tuku xlichuwinankanit pi xʼama la, referencia namaputsiyan texto niku masiya la kgantaxtulh. Akgtum liʼakxilhtit, kaputsa Zacarías 9:9 chu Mateo 21:5.