¿Katsiyata tuku natlawaya komo wi tuku lakapala xlani?
Akinin ni pala tsinu katsiyaw wantu nakinkaʼakgspulayan kkilatamatkan chali tuxama (Sant. 4:14). Pero tiku skgalala lakkaxwili tuku xtlawalh komo wi tuku lakapala xlanilh (Pro. 22:3). ¿Katsiyata tuku namakglhtinana nema maklakaskinkgo makuchinanin akxni natatatlaya? ¿Tsokgwilinitata? Xlakata nakatsiya tuku nalaksaka, tlawakanit video wanikan Asistencia médica sin transfusiones. Necesidades y derechos del paciente. Uma xliʼakgtiy programa xla DVD nema wanikan Alternativas a las transfusiones. Serie documental. Akxni naʼakxilhtilhaya, kakgalhtinanti umakgolh takgalhskinin. Kkawaniyaw natlatni pi wa nalaksakkgo komo nakataʼakxilhkgo laktsu xkamanankan uma video xlakata limin tiku chukumaka.
1) ¿Tuku xlakata makgapitsi makuchinanin lakpuwamakgo pi nialh nawilikgo kgalhni akxni nakachukukgo tiku tatatlakgo? 2) Kawanti pulaktutu akxni wi tiku chukukan nema xalaktuwa chu tlan ni nawilikan kgalhni. 3) ¿Tuku xlakata lhuwa mil makuchinanin xla xlikalanka katiyatni kamakuchiputunkgo tiku tatatlakgo chu ni nakawilinikgo kgalhni? 4) ¿Tuku limasiyakgonit lhuwa hospitales xlakata limaklakaskinkan kgalhni? 5) ¿Tuku nitlan kitaxtu akxni makuchinanin wilikgo kgalhni? 6) ¿Tuku wankgo lhuwa makuchinanin xlakata la kitaxtu akxni atanu tuku maklakaskinkan chu ni wa kgalhni? 7) ¿Tuku tlawa pi latamanin nakgalhikgo anemia, chu tuku tlan natlawakan xlakata namakgtayakan tiku kgalhi anemia? 8) ¿La natlawakan xlakata tiku tatatla tlan namalhuwinikan eritrocitos (glóbulos rojos)? 9) ¿Tuku limaklakaskinkgo makuchinanin xlakata ni lhuwa natamakgan kgalhni akxni wi tiku chukukgo? 10) ¿Tlan kitaxtu akxni atanu tuku limaklakaskinkan chu ni kgalhni xlakata nalimakuchikan tiku laktsujku o akxni tiku lu snun? 11) ¿Tuku xlilakapastakatkan makuchinanin xlakata liwana nakamakuchikgo tiku tatatlakgo?
Komo wi tiku namakglhtinan makgapitsi tuku likuchunkan nema taxtu kvideo xakstu nalaksaka, pero ni nakgalhkgalhiya asta akxni naʼakgspulayan tuku ni tlan xlakata aku nalaksaka tuku nalimakuchikana. Klibro «Kxtapaxkit Dios» capítulo 7 chu likgalhtawakga nema wilikanit anta chu suplemento xla Nuestro Ministerio del Reino xla noviembre kata 2006 namakgtayayan xlakata nalaksaka tuku nalimaklakaskinkan akxni nalimakuchikana. Komo tamununitata katsokgwili ktarjeta DPA tuku laksakti chu putum kilhtamaku kalipi.
[Tuku wan página 3]
¿Laksaknitata tuku namakglhtinana nema maklakaskinkgo makuchinanin akxni natatatlaya? ¿Tsokgwilinitata?