Ol Miting Bilong Wok

Wik i Kirap Long Janueri 9

Singsing 10

10 min: Ol toksave bilong kongrigesen. Bihainim ol tok i stap long laspela pes o sampela narapela tok i stret long teritori bilong yupela, na mekim tupela soim ol i bin redim gut bilong soim pasin bilong tilim Awake! bilong Janueri wantaim Wastaua bilong Janueri 1. Long wanpela soim pablisa i autim tok long bisnis teritori.

17 min: Holimpas Pasin Bilong Laikim Tok Bilong God. Toktok wantaim odiens na kamapim ol askim long ol tok i stap long Wastaua bilong Jun 15, 2002, p. 14, par. 11-13.

18 min: Mekim riviu long ol bikpela tok bilong “Bihainim Tok Bilong God” Kibung Distrik. Toktok wantaim odiens na kamapim ol askim. Wanem ol tok bilong program i bin helpim ol pablisa long wok autim tok? Ol pablisa i ken stori long wanem ol tok bilong kibung ol i wok long bihainim na olsem wanem dispela i bin helpim ol long mekim gut moa wok autim tok.

Singsing 125 na beten.

Wik i Kirap Long Janueri 16

Singsing 178

10 min: Ol toksave bilong kongrigesen. Sampela Toksave bilong Wok Kingdom. Toksave long rot ol brata i bin stretim bilong olgeta i ken lukim vidio Transfusion-Alternative Health Care​​—⁠Meeting Patient Needs and Rights bilong redi long hap bilong Miting Bilong Wok bai kamap tupela wik bihain.

15 min: Oganaisesen Bilong Mekim Laik Bilong Jehova. Wanpela tok na kamapim sampela askim. Brata i kisim tok long p. 4-7 long buk Oganaisesen Bilong Mekim Laik Bilong Jehova. Bilong kirapim tok, stori long p. 4 na kirap bilong tok i no ken abrusim 3-pela minit, toktok wantaim odiens long tok i stap long p. 5 i go inap long het tok long p. 7. Bai yumi skelim sampela narapela hap bilong buk Oganaisesen long ol Miting Bilong Wok bai kamap bihain.

20 min: “Tingim Gut Man​—⁠Mekim Ol Askim na Putim Gut Yau.”a Taim yu stori long par. 2, askim odiens long stori long wanem ol askim ol i ting i gutpela bilong kirapim toktok. Soim olsem wanem yumi ken kirapim man long toktok long rot bilong mekim ol gutpela askim na putim gut yau.

Singsing 107 na beten.

Wik i Kirap Long Janueri 23

Singsing 60

10 min: Ol toksave bilong kongrigesen. Kamapim ripot bilong ol akaun na tok tenkyu long ol kontribiusen. Bihainim ol tok i stap long laspela pes o sampela narapela tok i stret long teritori bilong yupela, na mekim wanpela soim bilong soim pasin bilong tilim Kirap! bilong Janueri–Mas wantaim Wastaua bilong Janueri 1. Sapos inap, wanpela yangpela i ken mekim dispela soim.

15 min: Ol Pikinini i Go Bek Long Skul. Toktok wantaim ol odiens na kamapim ol askim long ol dispela tok. Long mun Februeri, ol skul bai kirap gen. Planti yangpela Kristen bai i gat nupela tisa, ol bai stap long nupela klas, na ol i mas bung wantaim ol narapela yangpela ol i no save long ol. Tru, ol yangpela bilong yumi i laik wok gut wantaim ol tisa na toktok gut wantaim ol wanklas bilong ol, tasol ol i mas tingim olsem ol i mas givim baksait long olgeta samting em inap pundaunim ol long ol samting bilong spirit. (1 Ko. 15:⁠33) Ol Kristen, ol yangpela na lapun, ol i mas strongim bel na sakim pasin na tingting bilong dispela graun long maritpasin na ol kain samting olsem. Na tu, ol i mas was gut, na skelim ol tok bilong Baibel na larim dispela i soim rot long ol. (Sng. 119:⁠9) Ol gutpela papamama i mas save long ol samting pikinini i lainim long skul na bai ol inap stiaim gut pikinini. Sapos samting pikinini i lainim i pait wantaim pasin i holi na pasin bilong i stap klin, em lain bilong Jehova i mas bihainim, orait pikinini i mas sakim dispela samting. (1 Pi. 1:​15, 16) Planti skul i mekim ol samting bilong litimapim kantri, tingim ol holide, ol spot, na ol bung bilong amamas. Buklet Skul na Ol Witnes Bilong Jehova inap helpim ol pikinini Kristen long ol dispela samting. Bilong pikinini i ken winim o daunim ol hevi inap kamap, gutpela sapos papamama i go lukim ol tisa na givim dispela buklet long ol. Ol i ken tokim tisa olsem, dispela buklet bai helpim em long save i gat wanem as na ol Witnes Bilong Jehova i no insait long sampela samting i kamap long skul. Sapos tisa i kisim dispela buklet, dispela bai helpim em long wok gut wantaim papamama na pikinini. Na gutpela tu sapos ol sumatin Kristen i gat buklet Skul bilong ol yet i stap long skul. Planti taim i gat rot long autim tok long ol arapela sumatin i gat ol askim taim klas i stori long sampela bilip bilong yumi.

20 min: “Ol Yangpela Husat i Stap Olsem Lait.”b Askim ol yangpela long stori long olsem wanem ol i bin autim tok long skul. Sampela de paslain long miting, yu ken stretim tok wantaim wanpela o tupela yangpela bilong stori long dispela.

Singsing 205 na beten.

Wik i Kirap Long Janueri 30

Singsing 197

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Janueri. Kolim samting yumi bai tilim long Februeri, na mekim wanpela soim long dispela.

20 min: “Vidio i Stori Long Wanpela Pasin Ol Dokta i Bihainim.” Ritim Aposel 15:​28, 29, na stori liklik long nambawan as na ol Kristen i no laik kisim blut, ol i laik bihainim lo bilong God i tok blut em i samting holi. Bihain stret long dispela, stori long vidio Patient Needs and Rights, kamapim ol askim ol i bin redim. Ritim laspela paragraf bilong pinisim tok.

20 min: Save Long Pasin Bilong Bekim Tok. Wanpela elda i lukautim dispela hap. Ritim Kolosi 4:6 na stori long hap “Sapos Man i Tok​—⁠” long buk Toktok Gut, p. 81-3. Mekim tupela soim ol i bin redim gut long Witnes i bekim tok long man i tok, ‘Yupela i save sakim blut na larim ol pikinini bilong yupela i dai. Yupela i mekim pasin nogut tru.’ Na long namba tu soim Witnes i bekim tok long man i tok, ‘Olsem wanem sapos dokta i tok, “Sapos yu no kisim blut, bai yu dai”?’

Singsing 45 na beten.

Wik i Kirap Long Februeri 6

Singsing 74

5 min: Ol toksave bilong kongrigesen.

15 min: Tok bilong helpim kongrigesen.

15 min: “Kisim Strong Long Ol Tok Yumi Bilip Long En.”c Ritim na stori long sampela skripsa ol i no raitim tok bilong en.

10 min: Wok Painia Haptaim i Kamapim Ol Gutpela Samting. (Snd. 10:22) Askim ol bratasista husat i bin mekim wok painia haptaim long Mas, Epril, o Me long las yia, long stori long olsem wanem ol i bin stretim ol samting bambai ol i ken mekim dispela wok na wanem ol amamas na blesing ol i bin kisim. Strongim olgeta long beten na skelim sapos ol inap mekim wok painia haptaim long Mas, Epril, o Me long dispela yia.

Singsing 16 na beten.

[Ol Futnot]