Ntiyiso Wu Kumekile Exivandleni Lexi Nga Tshembisiki

Papila leri landzelaka leri humaka eka wanuna wa le Hartford, eConnecticut, ri amukeriwile eyindlu-nkulu ya Timbhoni ta Yehova:

Eka muchaviseki:

Ndzi tsakela ku tiva loko buku leyintsongo leyi nge Ntiyiso Lowu Yisaka eVuton’wini Lebyi Nga Heriki yi kandziyisiwa hi Timbhoni ta Yehova. Ndzi tsaleleni mi ndzi byela leswaku buku yoleyo i ya vukhongeri byihi. Ndzi tsakela ku swi kumisisa hikuva mixo wun’wana loko ndzi ri karhi ndzi famba eka xitarata-nkulu eHartford, ndzi kume buku leyi yintsongo yi lahliwile etaleni. I xihloko lexi kokeke mianakanyo ya mina. . . .

Ndzi Mukhatoliki hikuva byebyo i vukhongeri lebyi vatswari va mina va ndzi tiviseke byona, kambe hayi hi mhaka ya leswi ripfalo ra mina ri ndzi byelaka tano. Hi ku ya hi leswi ndzi nga swi vona ebukwini leyi, ndzi pfumela leswaku ndzi kume leswi a ndzi ri karhi ndzi lava swona hi malembe yo tala—Ntiyiso. Naswona ndzi yi kume endhundhumeni ya thyaka—hi Ravuntlhanu hi 9 ehenhla ka nhloko nimixo, hi December 4, 1981. Ndzi rhumeleni adirese ya Hartford ya kereke leyi vukhongeri bya buku leyi byi nga kona. Ndzi mi navelela lembe lerinene lerintshwa,

Wa n’wina Hakunene,

A. C. G.

U nga amukela buku ya matluka ya 192 ya Ntiyiso Lowu Yisaka eVuton’wini Lebyi Nga Heriki hi ku tata ni ku rhumela xiphephana lexi nga laha hansi.

Ndzi rhumeleni buku yo tsindziyela, leyi nge Ntiyiso Lowu Yisaka eVuton’wini Lebyi Nga Heriki yi hakeleriwile eposweni. Ndzi nghenisa Rl,80.