Marito lama Kufumetaka Mbilu

TATA wakwe u vutise Debora loyi a nga ni malembe ya nhungu hi vukhale a ku: “Xana wa n’wi khongela Yehova ke?” yena a hlamula a ku: “Ina, swinene ngopfu.” “Rini xana?” “Loko ndzi ri ndzexe.” “Hikwalaho ka yini ku va hi nkarhi wolowo?” “Leswaku ku nga vi na loyi a ndzi tingaka!”

Manana u vutise Laurent wa malembe ya ntsevu hi vukhale: “Xana u lava leswaku ndzi tshika rivoni ri ri karhi ri pfurha nivusiku ekamareni ra wena?” (Laurent a a chava xinyami naswona a a byeriwe leswaku a byela Yehova hi xikhongelo hi mhaka leyi.) “E-e, a ndzi chavi munhu hikuva Yehova u na mina.”

Nhwanyana wa malembe ya ntsevu u te exikhongeIweni: “Yehova, ndzi nkhensa ntshembo wa ku pfuka ka vafi. I mianakanyo leyinene ngopfu!” Eka xin’wana xikhongelo u te: “Yehova, u ta va ni swo tala swo swi endla la tikweni ra ka hina loko hi ri eParadeyisini, hikuva laha mpfula yi na ngopfu.”

Udo wa malembe manharhu hi vukhale u khongerile a ku: “Yehova Xikwembu, endla leswaku tatana a hlaya Bibele leswaku a nga fi eArmagedoni!” Lawu ra mufana loyi a ri pfulekile, naswona tata wakwe u xi twile xikhongelo xa kona. Sweswo swi herise ku Iwisana ka yena ni ntiyiso ko hetelela, kutani namuntlha hi un’wana wa malandza ya Yehova.