Xihondzo xo Rindza Xi Sungula Ku Humesiwa Xikan’we

Hi July 1879 nkandziyiso wo sungula wa magazini lowu wu te: “Hi laha vito ra wona ri kombaka ha kona, wu tiyimisele ku va mulanguteri wa nkarhi lowu timhaka leti tsakisaka ni leti vuyerisaka ti faneleke ku tivisiwa ha wona eka ‘ntihambinyana.’” Namuntlha, Xihondzo xo Rindza xi phamela swakudya swa moya ni le ka “ntshungu lowukulu” wa vanhu lavanene lava langutelaka ku kuma vutomi lebyi nga heriki kwala misaveni.—Luka 12:32; Nhlavutelo 7:9-17.

Leswi ku hangalasiwa ka Xihondzo xo Rindza ku engetelekeke swi vile tano ni nhlayo ya tindzimi leti xi humelelaka ha tona. Namuntlha, tindzimi leti ti fika eka 102. Swiviko swi komba leswaku swikhokhelo leswintshwa swa Xihondzo xo Rindza ni magazini lowu fambisanaka na xona, wa Awake!, swi engeteleke hi ndlela yo hlamarisa eka malembe ya 70 lama hundzeke. Swi vile tano ni le ka mpimo wa ku hangalasiwa ka le nsin’wini ka tikopi hi toxe. Tifigara tin’wana leti nga kona hi leti:

Lembe Swikhokhelo Leswintshwa Timagazini Leti Fambisiweke

1914 2 746 95 973

1944 292 258 9 293 913

1964 1 551 436 127 055 165

1984 1 812 221 287 358 064

Sweswi hi fika eka nhlohlorhi yin’wana eka lembe ra vu-105 ra matimu ya Xihondzo xo Rindza—ku humesiwa xikan’we ka xona hi tindzimi ta 20 ni ku tlula kwalaho. Mawaku nhluvuko lowonghasi! Onge Yehova a nga hambeta a tirhisa magazini lowu hi matimba eku huweleleni ka Mfumo wa yena ha Kriste Yesu!

[Swifaniso eka tluka 10 na 11]

Swedish

Danish

Norwegian

Finnish

Portuguese

German

Sepedi

Sesotho

Tsonga

Zulu

Dutch

French

Spanish

Italian

Afrikaans

Japanese

Tswana

Venda

Xhosa

Cibemba