Vusiku Byo Tsundzuka

Siku ra Nisan 14 i nkhuvo wa lembe wo tsundzuka ku kutsuriwa ka Vaisrayele aEgipta. I nkhuvo wa lembe lowu Vayuda va lerisiweke ku wu tsundzuka lembe na lembe hi xilalelo xo hlawuleka. Enkarhini wa wona a va fanele ku hlamusela vantshwa ndlela leyi ngati ya xinyimpfana xa Paseka leyi totiweke emarimbeni ya timbanti ni le henhla ka nyangwa yi sirheleteke mativula ya mindyangu ya Israyele eku avanyisiweni hi ntsumi ya Xikwembu.—Eksoda 12:21-27.

Endzhakunyana ka malembe ya 1 545 ntsena, na kona ku ri hi Nisan 14, Yesu Kriste u sungulele vadyondzisiwa va yena lava a va ta ya eMfun’weni wa le tilweni nkhuvo lowuntshwa lowu a wu ta siva Paseka. Enkarhini wa nkhuvo wo olova, Yesu u tirhise xinkwa lexi nga hava comela ni vhinyo tanihi swifanekiselo swa vutomi byakwe bya vumunhu, lebyi a a fanele ku byi nyikela vanhu. Gandzelo ra yena ri na matimba yo ponisa ku tlula leriya ra xinyimpfana xa Paseka. (Yohane 1:29) Loko a simeka xitsundzuxo xa gandzelo ra yena, Yesu u te: “Endlani leswi hi ku ndzi anakanya.”—Luka 22:19.

Timbhoni ta Yehova ti ku rhambela ku va kona eku tlangeriweni ka nkhuvo lowu wa nkoka swinene wa Xitsundzuxo. Nan’waka siku leri eka khalendara ya hina ri fambelanaka na Nisan 14 i Ravumune, April 4, endzhaku ka ku pela ka dyamhu. U nga va kona siku rolero eHolweni ya Mfumo ekusuhi ni kaya ra wena. Vonana ni Timbhoni ta Yehova ta ndhawu yoleyo leswaku u tiva nkarhi lowu kongomeke.