Xiphiqo Xo Lomba

“Xiphiqo xo lomba mali hi leswaku loko munhu a kala a yi kuma, swa boha leswaku a sungula ku anakanya hi yona tanihi yakwe. Munhu u sungula ku yi tolovela, a yi tirhisa tanihi ya laha kaya naswona a nga ha honisa kumbe a rivala leswaku siku rin’wana hinkwayo yi fanele ku ya eka un’wana kun’wana, Ku lomba swa olova. Ku tlherisa hi swona swi vavisaka.” Leswi swi vuriwile hi Parade, magazini wa Sunday newspaper, malunghana ni xiphiqo xa mianakanyo xo lomba mali.

Hambi swi ri tano, ku ni swo tala eka xona ku tlula mhaka ya mianakanyo. Ku tlhela ku va ni mhaka ya hanyelo lerinene—ndzhwalo wo tlherisa leswi lombiweke. Hikwalaho ke, hi endla kahle ku tsundzuka mavonelo ya Yehova ya munhu la nga tlherisiki leswi a swi lombeke. Rito ra Xikwembu ri ri: “Lo’wo biha a lomba, kambe a nga tlherisi.”—Psalma 37:21.