Xiyimiso Xa Nhlangano Wa Ntirho

Vhiki Leri Sungulaka Hi August 13

Risimu 30

13 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela nhloko-mhaka leyi nge “Nongonoko Lowuntshwa Wa Siku Ra Nhlengeletano Yo Hlawuleka.” Tivisa siku leri nhlengeletano yo hlawuleka leyi taka yi nga ta khomiwa ha rona, khutaza hinkwavo leswaku va nga kayeriwi ni hi nkulumo ni yin’we ya nongonoko lowu, khutaza vahuweleri leswaku va rhamba vanhu lava ha ku sungulaka ku hlanganyela ni swichudeni swa Bibele. Ku sele mahelo-vhiki mambirhi leswaku n’hweti ya August yi hela, hikwalaho khutaza vahuweleri hinkwavo leswaku va hlanganyela evutirhelini n’hweti yi nga si hela.

17 min: “Xana U Lava Ku Endla Leswi Engetelekeke?”a Khutaza vamakwerhu lava khuvuriweke leswaku va lwela ku fanelekela ku va malandza ya vutirheli kumbe vakulu. Mavandlha yo tala ma ni xilaveko lexikulu xa malandza ya vutirheli lama engetelekeke. Katsa ni swiringanyeto swa ku endla leswi engetelekeke eku chumayeleni ka vanhu va le nsin’wini ya ka n’wina lava vulavulaka ririmi rimbe. Hi ku komisa, hlamusela leswi nga eka Xihondzo xo Rindza xa June 15, 1997, matluka 26-9.

15 min: “Veka Vuhungasi eNdhawini Ya Byona.” Endzhaku ka dyondzo ya buku, mufambisi u bula ni mpatswa lowu tekaneke. Hi musa u vula leswaku masiku lawa a nga ha va voni entirhweni wa nsimu kumbe eminhlanganweni hi mahelo-vhiki. Mpatswa wu vula leswaku a wu nga vonaki hikuva a wa ha ye eku wiseni naswona a wu khome hi mintirho yin’wana. Nkulu u hlamusela tinhla-nkulu ta xihloko lexi, a pfuna mpatswa wu vona leswaku swilaveko swa moya swi fanele ku rhangisiwa minkarhi hinkwayo. Wu ba mandla wu vuyelela hi switsundzuxo swoleswo leswinene. Wa pfumela leswaku wu ta rhangisa swilo swa nkoka enkarhini lowu taka.—Vona Xihondzo xo Rindza xa October 1, 2000, matluka 19-20.

Risimu 68 ni xikhongelo xo pfala.

Vhiki Leri Sungulaka Hi August 20

Risimu 33

10 min: Switiviso swa vandlha. Xiviko xa timali.

15 min: “U ‘Xihlekiso’!”b Vula swiendlakalo swa le ndhawini ya ka n’wina, laha vanhu va vuleke marito lamanene hi ntirho wa Timbhoni ta Yehovha kumbe hi ku tikhoma ka tona.—Vona Xihondzo xo Rindza xa March 15, 1998, tluka 10, ni xa January 15, 1999, tluka 32.

20 min: Swilaveko swa vandlha.

Risimu 72 ni xikhongelo xo pfala.

Vhiki Leri Sungulaka Hi August 27

Risimu 40

15 min: Switiviso swa vandlha. Tsundzuxa vahuweleri leswaku va yisa swiviko swa August swa ntirho wa vona wa le nsin’wini eka vafambisi va Dyondzo ya Buku ya vona ya Vandlha. Vafambisi va Dyondzo ya Buku ya Vandlha va fanele ku vona leswaku hinkwavo lava nga entlaweni wa vona va tise swiviko swa vona leswaku swiva swi hlanganile hi September 6. Nakambe va fanele ku tiyiseka leswaku swiviko swin’wana ni swin’wana leswi nga tisiwangiki elembeni ra ntirho swi nyikiwa matsalana. Endla xiviko hi leswi se swi endliweke ensin’wini leyi nga aviwangiki. Tivisa vandlha hi malunghiselelo ya n’hweti ya September. Burisana ni un’we kumbe vambirhi hi leswi va koteke ku swi endla ku ta fikela sweswi. Hi ku komisa, vula xiringanyeto xin’we kumbe swimbirhi swa ndlela leyi buku leyi nge Ku Rhula Ka Ntiyiso Ni Nsirhelelo—U Nga Swi Kuma Njhani? ni leyi nge Vun’we Eku Gandzeleni Ka Xikwembu Xi Ri Xin’we Xa Ntiyiso ti nga fambisiwaka ha yona evutirhelini hi September.—Vona Vutirheli Bya Hina Bya Mfumo bya January 1997, tluka 4.

30 min: “Mikhuva Leyinene—Yi Hlawulekisa Vanhu Lava Chavaka Xikwembu.” Nkulu u nyikela nkulumo ya timinete ta ntlhanu hi tindzimana 1-5. Kutani u ta bula ni nkulu un’wana ni nandza wa vutirheli hi xiyenge lexi seleke xa xihloko lexi, va tshame exitejini. Va bula hi ndlela leyi ku nga hluriwaka ha yona mikhuva yin’wana leyi kombisaka ku nga anakanyeli, leyi nga kavanyetaka minhlangano, yi endla leswaku hi lahlekeriwa hi swo tala eka yona. Va kandziyisa ndlela leyi vunakulobye bya hina byi khutazaka swinene ha yona loko hi khathala swinene hi swilaveko swa van’wana.—Filp. 2:4.

Risimu 74 ni xikhongelo xo pfala.

Vhiki Leri Sungulaka Hi September 3

Risimu 80

8 min: Switiviso swa vandlha. Marungula Ya Swa Mfumo.

17 min: “Xana Vunakulobye Bya Vukreste I Bya Nkoka Ku Fikela Kwihi?”c Katsa ni tinhlamuselo leti nga eka xihlokwana lexi nge “Hi Vandlha” eka Xihondzo xo Rindza xa January 15, 1996, tluka 22.

20 min: Loko Munhu A Ku. Bulo ni minkombiso. Evutirhelini, loko vanhu va vula swo karhi kumbe va tlakusa swivutiso leswi hi nga swi rindzelangiki, hi fanele ku lwela ku va hlamula ku ri ni ku cinca bulo kumbe ku ri herisa. Hakanyingi buku leyi nge Ku Hlamulana ya pfuna emhakeni leyi. Boxa tindlela leti va angulaka ha tona leti tolovelekeke kutani u lunghiselela leswaku vahuweleri va endla nkombiso wa ndlela leyi ku nga anguriwaka ha yona ku tirhisiwa leswi hlamuseriweke ebukwini leyi nge Ku Hlamulana. Hi xikombiso, loko munhu a ku: ‘A ndzi pfumeli eka Xikwembu.’ (matluka 414) ‘Ha yini n’wina mi nga katseki eku endleni ka swilo swo pfuneta vanhu-kuloni?’ (matluka 292-3) ‘A swi na mhaka leswaku u wa kereke yihi.’ (tluka 353) Khutaza hinkwavo leswaku va tirhisa xiyenge lexi xa buku leyi nge Ku Hlamulana loko ku pfuka swiyimo leswi nga rindzeriwangiki evutirhelini.

Risimu 121 ni xikhongelo xo pfala.

[Tinhlamuselo ta le hansi]