Xiyimiso Xa Xikolo Xa Vutirheli Bya Le Tilweni Xa 2009

SWILETELO

Hi lembe ra 2009 ku ta tirhisiwa xiyimiso lexi landzelaka loko ku fambisiwa Xikolo xa Vutirheli bya le Tilweni.

MINKANDZIYISO LEYI NGA TA TIRHISIWA: Vuhundzuluxeri Bya Misava Leyintshwa Bya Matsalwa Yo Kwetsima [bi12-TS], “Matsalwa Hinkwawo Ma Huhuteriwe Hi Xikwembu Naswona Ma Pfuna” [si-TS], Dyondza Eka Mudyondzisi Lonkulu [lr-TS] ni leyi nge Ku Hlamulana Hi Matsalwa [rs-TS].

Xikolo xi fanele xi sungula HI NKARHI hi marito yo koma yo amukela vayingiseri kutani xi ya emahlweni hi ndlela leyi hlamuseriweke laha hansi. Mulanguteri wa xikolo u ta vitana xivulavuri ha xin’we.

TINHLA-NKULU TA KU HLAYA KA BIBELE: 10 wa timinete. Eka timinete to sungula ta mune, nkulu la fanelekaka kumbe nandza wa vutirheli u fanele a nyikela tinhla-nkulu ta Matsalwa leti sekeriweke eka ku hlaya ka Bibele ka vhiki na vhiki. Loko ku hlaya ka Bibele ka vhiki rero ku sungula eka ndzima yo sungula ya buku ya Bibele, a ku nge tirhisiwi tona tinhla-nkulu leti nga eka ku hlaya ka Bibele ka vhiki rero. Makwerhu loyi a averiweke nkulumo leyi hi vhiki rero, eka timinete ta mune to sungula u fanele a tirhisa tinhla leti nga ebukwini leyi nge “Matsalwa Hinkwawo.” Hi xikombiso, tindzima to sungula ta ntlhanu ta buku ya Genesa ti ta kambisisiwa hi vhiki ra January 5, kutani xivulavuri xi fanele xi hlawula tinhla ti nga ri tingani ta nkoka eka tindzimana leti nga exinghenisweni xa buku ya Genesa hilaha ti nga ha kona ebukwini leyi nge “Matsalwa Hinkwawo.” U fanele a ti nyikela hi ndlela leyi nga ta vuyerisa vandlha. Ku nga khathariseki leswaku u ta va a hlanganisa tinhla-nkulu ta vhiki rero kumbe leti humaka ebukwini leyi nge “Matsalwa Hinkwawo,” xikongomelo-nkulu i ku pfuna vayingiseri va twisisa leswaku ha yini rungula leri ri ri ra nkoka. Xivulavuri xi fanele xi tiyiseka leswaku a xi ti tluli timinete ta mune leti xiyenge lexi xi vekeriweke tona. Xi fanele xi tiyiseka leswaku xi siyela vayingiseri timinete ta tsevu leswaku va ta nyikela tinhlamuselo to koma hi tisekoni leti nga tluliki 30 ta leswi va vuyeriweke ha swona eka ku hlaya ka Bibele ka vhiki na vhiki. Kutani mulanguteri wa xikolo u ta kombela swichudeni leswaku swi ya etitlilasini leti swi averiweke ku nyikela tinkulumo eka tona.

NKULUMO NO. 1: 4 wa timinete kumbe ehansinyana ka tona. Leyi i nkulumo ya ku hlaya leyi nga ta nyikeriwa hi makwerhu wa xinuna. Xichudeni xi fanele xi hlaya rungula leri xi averiweke rona handle ka xingheniso kumbe mahetelelo. Mulanguteri wa xikolo u ta swi tsakela swinene ku pfuna swichudeni leswaku swi twisisa rungula leri swi ri hlayaka, swi hlaya hi nkhuluko, swi kandziyisa mhaka hi ndlela leyi faneleke, swi cinca-cinca rito hi mfanelo, swi koka moya endhawini leyi faneleke ni ku hlaya swi tlhela swi vulavula hi ndlela ya ntumbuluko.

NKULUMO NO. 2: 5 wa timinete. Nkulumo leyi yi ta averiwa makwerhu wa xisati. Swichudeni leswi nga ta averiwa nkulumo leyi swi ta hlawuleriwa mahlelelo ya nkulumo kumbe swi tihlawulela wona eka nxaxamelo lowu nga eka tluka 82 ebukwini leyi nge Vuyeriwa Eka Vuleteri Bya Xikolo Xa Vutirheli Bya Le Tilweni. Xichudeni xi fanele xi tirhisa nhloko-mhaka leyi xi averiweke yona kutani xi yi nyikela hi ndlela leyi fambisanaka ni swiyimo swa nsimu ya vandlha leri xi nga eka rona. Loko ku nga kombisiwanga laha nkulumo yi faneleke yi tekiwa kona, xichudeni xi fanele xi tikumela rungula ra nkulumo leyi hi ku endla ndzavisiso eminkandziyisweni ya hina. Mulanguteri wa xikolo u ta tsakela ku vona ndlela leyi xichudeni xi ndlandlamuxaka rungula ra nkulumo ha yona, ni ndlela leyi xi n’wi pfunaka ha yona n’wini wa muti leswaku a anakanyisisa hi Matsalwa ni ku twisisa tinhla-nkulu ta rungula leri va bulaka ha rona. Mulanguteri wa xikolo u ta n’wi nyika mupfuni un’we eka nkulumo leyi.

NKULUMO NO. 3: 5 wa timinete. Nkulumo leyi yi ta averiwa makwerhu wa xinuna kumbe wa xisati. Xichudeni xi fanele xi tirhisa rungula ra nhloko-mhaka leyi xi averiweke yona. Loko ku nga kombisiwanga laha nkulumo yi faneleke yi tekiwa kona, xichudeni xi fanele xi tikumela rungula ra nkulumo leyi hi ku endla ndzavisiso eminkandziyisweni ya hina. Loko nkulumo leyi yi averiwe makwerhu wa xinuna, u ta yi nyikela a ri karhi a anakanya hi vayingiseri lava nga kona eHolweni ya Mfumo. Loko yi averiwe makwerhu wa xisati, nkarhi hinkwawo yi fanele yi nyikeriwa ku fana ni Nkulumo No. 2. Xiyani leswaku minkarhi hinkwayo tinhloko-mhaka leti nga ni swinyeletana ti fanele ti averiwa vamakwerhu va xinuna, naswona loko swi fanerile ku nga ha tirhisiwa nkulu kumbe nandza wa vutirheli.

NDZAYO: 1-2 wa timinete. Mulanguteri wa xikolo a nge yi tivisi ka ha ri emahlweni yinhla leyi xichudeni xi tirhelaka eka yona. Endzhaku ka loko tinkulumo No. 1, No. 2 na No. 3 ti nyikeriwile, mulanguteri wa xikolo u ta bumabumela swichudeni hikwalaho ka matshalatshala lawa swi ma endleke, a kombisa leswaku ha yini mhaka ya kona yi nyikeriwe kahle hi ku languta leswi buku ya Xikolo Xa Vutirheli yi swi vulaka. Xichudeni ha xin’we xi nga ha nyikiwa ndzayo yin’wana leyi akaka endzhaku ka nhlangano kumbe hi nkarhi wun’wana, loko swi fanerile.

NKARHI: Tinkulumo hinkwato ni tinhlamuselo ta mulanguteri wa xikolo a swi fanelanga swi dya nkarhi. Nkulumo No. 1, No. 2 na No. 3 ti fanele ti yimisiwa hi vutlhari loko nkarhi wu herile. Loko vamakwerhu lava nyikelaka nkulumo ya tinhla-nkulu ta ku hlaya ka Bibele va dya nkarhi, va fanele va nyikiwa ndzayo etlhelo. Hinkwerhu hi fanele hi namarhela nkarhi lowu hi nyikiweke wona. Nongonoko hinkwawo wu fanele wu va 30 wa timinete.

PHEPHA RA NDZAYO: Ri kumeka endzeni ka buku leyi nge Xikolo Xa Vutirheli.

MUPFUNI WA MULANGUTERI WA XIKOLO: Huvo ya vakulu yi nga ha hlawula nkulu un’wana la nga ni vuswikoti leswaku a va mupfuni wa mulanguteri wa xikolo. Loko ku ri ni vakulu vo hlayanyana evandlheni, lembe ni lembe ku nga ha hlawuriwa makwerhu un’wana la fanelekaka leswaku a va mupfuni wa mulanguteri wa xikolo. Ntirho wa yena ku ta va ku nyikela ndzayo ya le tlhelo eka vamakwerhu lava nyikelaka tinhla-nkulu ta ku hlaya ka Bibele loko swi fanerile. A swi bohi leswaku a nyikela ndzayo minkarhi hinkwayo endzhaku ka loko vakulu-kulobye kumbe malandza ya vutirheli va nyikele nkulumo yoleyo.

MPFUXETO WA XIKOLO XA VUTIRHELI BYA LE TILWENI: 20 wa timinete. Endzhaku ka tin’hweti tin’wana ni tin’wana timbirhi, mulanguteri wa xikolo u ta fambisa mpfuxeto wa leswi dyondziweke exikolweni. Ku ta rhanga ku nyikeriwa tinhla-nkulu ta ku hlaya ka Bibele hilaha swi hlamuseriweke hakona laha henhla. Mpfuxeto lowu wu ta va wu sekeriwe eka rungula leri dyondziweke exikolweni eka tin’hweti timbirhi leti hundzuke ku katsa ni leri dyondziwaka hi vhiki rero. Loko vandlha ra n’wina ri ri ni nhlengeletano ya xifundzha kumbe ri endzeriwe hi mulanguteri wa xifundzha hi vhiki ra Mpfuxeto wa Xikolo xa Vutirheli bya le Tilweni, mpfuxeto wolowo wu fanele wu hundziseriwa eka vhiki leri landzelaka naswona tinkulumo No. 1, No. 2 na No. 3 leti a mi fanele mi ti endla hi vhiki rero mi fanele mi ti endla hi vhiki leri eka rona mi nga ni nhlengeletano ya xifundzha kumbe mulanguteri wa xifundzha. A ku na ku cinca loku faneleke ku endliwa eka ku hlaya ka Bibele ka vhiki na vhiki ni le ka tinhla-nkulu ta Bibele.

XIYIMISO

Jan. 5 Ku Hlaya Ka Bibele: Genesa 1-5

No. 1: Genesa 3:1-15

No. 2: Lexi Endlaka Yesu A Va Mudyondzisi Lonkulu (lr-TS ndzima 1)

No. 3: I Yini Lexi Nga Riki Vuhava? (1 Kor. 15:58)

Jan. 12 Ku Hlaya Ka Bibele: Genesa 6-10

No. 1: Genesa 9:1-17

No. 2: Ku Hlamula Lava Nga Pfumeliki Eka Xikwembu (rs-TS tl. 414 ¶2–tl. 415 ¶2)

No. 3: Papila Leri Humaka Eka Xikwembu Lexi Nga Ni Rirhandzu (lr-TS ndzima 2)

Jan. 19 Ku Hlaya Ka Bibele: Genesa 11-16

No. 1: Genesa 14:1-16

No. 2: Loyi A Endleke Swilo Hinkwaswo (lr-TS ndzima 3)

No. 3: Xana Yehovha U Hi Ololoxa Njhani? (Esa. 64:8)

Jan. 26 Ku Hlaya Ka Bibele: Genesa 17-20

No. 1: Genesa 17:1-17

No. 2: Leswi Endlaka Vanhu Va Tsandzeka Ku Simeka Hulumendhe Leyi Nga Tisaka Ntsako (rs-TS matl. 52-53 ¶3)

No. 3: Xikwembu Xi Ni Vito (lr-TS ndzima 4)

Feb. 2 Ku Hlaya Ka Bibele: Genesa 21-24

No. 1: Genesa 22:1-18

No. 2: “Loyi I N’wananga” (lr-TS ndzima 5)

No. 3: a Tindlela Leti Hi Nga Kombisaka Van’wana Rirhandzu Ha Tona (2 Kor. 6:11-13)

Feb. 9 Ku Hlaya Ka Bibele: Genesa 25-28

No. 1: Genesa 25:1-18

No. 2: Mudyondzisi Lonkulu A A Tirhela Vanhu Van’wana (lr-TS ndzima 6)

No. 3: Lexi Endlaka Leswaku Matshalatshala Ya Vanhu Ma Nga Swi Koti Ku Tisela Vanhu Ntshunxeko (rs-TS tl. 53 ¶4–tl. 54 ¶3)

Feb. 16 Ku Hlaya Ka Bibele: Genesa 29-31

No. 1: Genesa 29:1-20

No. 2: Xivangelo Xa Ku Va Hi ‘Tshika Ku Vilela’ (Mat. 6:25)

No. 3: Ku Yingisa Swi Nga Ku Sirhelela (lr-TS ndzima 7)

Feb. 23 Ku Hlaya Ka Bibele: Genesa 32-35

Mpfuxeto Wa Xikolo Xa Vutirheli Bya Le Tilweni

Mar. 2 Ku Hlaya Ka Bibele: Genesa 36-39

No. 1: Genesa 39:1-16

No. 2: Ku Ni Vanhu Van’wana Lava Nga Ni Matimba Ku Hi Tlula (lr-TS ndzima 8)

No. 3: Mfumo Wa Xikwembu Hi Wona Ntsena Wu Nga Ta Enerisa Swilaveko Swa Vanhu (rs-TS tl. 54 ¶4–tl. 55¶1)

Mar. 9 Ku Hlaya Ka Bibele: Genesa 40-42

No. 1: Genesa 40:1-15

No. 2: Hi Fanele Hi Lwisana Ni Miringo (lr-TS ndzima 9)

No. 3: b Tivonele Eka Moya Wo Tilawula!

Mar. 16 Ku Hlaya Ka Bibele: Genesa 43-46

No. 1: Genesa 44:1-17

No. 2: Yesu U Ni Matimba Ku Tlula Madimona (lr-TS ndzima 10)

No. 3: Vuprofeta Bya Bibele Bya Tshembeka Hi Laha Ku Heleleke (rs-TS tl. 55 ¶2–tl. 56 ¶2)

Mar. 23 Ku Hlaya Ka Bibele: Genesa 47-50

No. 1: Genesa 48:1-16

No. 2: Xana Hi Fanele Hi N’wi Chava Diyavulosi?

No. 3: Mpfuno Lowu Humaka Eka Tintsumi Ta Xikwembu (lr-TS ndzima 11)

Mar. 30 Ku Hlaya Ka Bibele: Eksoda 1-6

No. 1: Exodus 1:1-19

No. 2: Yesu U Hi Dyondzisa Ku Khongela (lr-TS ndzima 12)

No. 3: Xana Namuntlha Ku Hanyisa Hi Mahlori Ku Endliwa Hi Moya Wa Xikwembu? (rs-TS matl. 67-68 ¶3)

Apr. 6 Ku Hlaya Ka Bibele: Eksoda 7-10

No. 1: Eksoda 9:1-19

No. 2: Vanhu Lava Veke Vadyondzisiwa Va Yesu (lr-TS ndzima 13)

No. 3: c Xana Vagalatiya 6:2 Na Vagalatiya 6:5 Ti Fambisana Njhani?

Apr. 13 Ku Hlaya Ka Bibele: Eksoda 11-14

No. 1: Eksoda 12:21-36

No. 2: Xivangelo Xa Leswaku Hi Va Lava Rivalelaka (lr-TS ndzima 14)

No. 3: Ku Hambana Exikarhi Ka Ku Hanyisa Loku Endiwaka Namuntlha Ni Loku Endliweke Hi Yesu Ni Vadyondzisiwa Vakwe (rs-TS tl. 68 ¶4–tl. 69 ¶2)

Apr. 20 Ku Hlaya Ka Bibele: Eksoda 15-18

No. 1: Eksoda 15:1-19

No. 2: I Yini Leswi Katsekaka Eka Ku Tihambanisa Ni Vukhongeri Bya Mavunwa?

No. 3: Dyondzo Leyi Hi Pfunaka Leswaku Hi Va Ni Musa (lr-TS ndzima 15)

Apr. 27 Ku Hlaya Ka Bibele: Eksoda 19-22

Mpfuxeto Wa Xikolo Xa Vutirheli Bya Le Tilweni

May 4 Ku Hlaya Ka Bibele: Eksoda 23-26

No. 1: Eksoda 24:1-18

No. 2: I Yini Leswi Nga Swa Nkoka Hakunene? (lr-TS ndzima 16)

No. 3: Ndlela Leyi Vakreste Va Ntiyiso Va Vonakaka Ha Yona Namuntlha (rs-TS tl. 69 ¶3–tl. 70 ¶2)

May 11 Ku Hlaya Ka Bibele: Eksoda 27-29

No. 1: Eksoda 29:1-18

No. 2: Ndlela Yo Kuma Ntsako (lr-TS ndzima 17)

No. 3: d Ku Tirhisa Vutshembeki Hi Ndlela Leyi Hoxeke Ni Makhombo Ya Kona

May 18 Ku Hlaya Ka Bibele: Eksoda 30-33

No. 1: Eksoda 31:1-18

No. 2: Lexi Endleke Leswaku Nyiko Ya Ku Hanyisa Yi Nyikiwa Vakreste Va Lembe-xidzana Ro Sungula Ntsena (rs-TS tl. 70 ¶3-tl. 71 ¶2)

No. 3: Xana Wa Tsundzuka Ku Nkhensa? (lr-TS ndzima 18)

May 25 Ku Hlaya Ka Bibele: Eksoda 34-37

No. 1: Eksoda 37:1-24

No. 2: Xana Swi Lulamile Ku Lwa? (lr-TS ndzima 19)

No. 3: e I Yini Ku Debyisa Voko, Naswona Ha Yini Hi Fanele Hi Swi Papalata?

June 1 Ku Hlaya Ka Bibele: Eksoda 38-40

No. 1: Eksoda 40:1-19

No. 2: Xana Minkarhi Hinkwayo U Lava Ku Va Wo Sungula? (lr-TS ndzima 20)

No. 3: Hi Wihi Ntshembo Wa Xiviri Wa Ku Hanyisiwa Ka Vanhu Hinkwavo? (rs-TS tl. 71 ¶3-5)

June 8 Ku Hlaya Ka Bibele: Levhitika 1-5

No. 1: Levhitika 4:1-15

No. 2: Xana Swi Fanerile Ku Tibuma Hi Swilo Leswi Hi Nga Na Swona? (lr-TS ndzima 21)

No. 3: f Xana Vakreste Va Fanele Va Byi Tirhisa Njhani Vulawuri Lebyi Va Nyikiweke Byona?

June 15 Ku Hlaya Ka Bibele: Levhitika 6-9

No. 1: Levhitika 8:1-17

No. 2: ‘Xana Wa Pfumela Emhakeni Ya Ku Hanyisa?’ (rs-TS tl. 71 ¶6–tl. 72 ¶1)

No. 3: Xivangelo Xo Papalata Ku Hemba (lr-TS ndzima 22)

June 22 Ku Hlaya Ka Bibele: Levhitika 10-13

No. 1: Levhitika 11:29-45

No. 2: Lexi Endlaka Leswaku Vanhu Va Vabya (lr-TS ndzima 23)

No. 3: Mikateko Leyi Kumiwaka Hi Vadyondzisiwa Lava Khuvuriweke

June 29 Ku Hlaya Ka Bibele: Levhitika 14-16

Mpfuxeto Wa Xikolo Xa Vutirheli Bya Le Tilweni

July 6 Ku Hlaya Ka Bibele: Levhitika 17-20

No. 1: Levhitika 19:1-18

No. 2: Xana Hinkwerhu A Hi Hanya eXivandleni Xa Moya Hi Nga Si Tswariwa Tanihi Vanhu? (rs-TS tl. 276 ¶4–tl. 277 ¶3)

No. 3: U Nga Tshuki U Va Khamba! (lr-TS ndzima 24)

July 13 Ku Hlaya Ka Bibele: Levhitika 21-24

No. 1: Levhitika 22:17-33

No. 2: Xana Vanhu Lava Endlaka Swo Biha Va Nga Cinca? (lr-TS ndzima 25)

No. 3: Ndlela Leyi Vakreste Va Ntiyiso Va Swi Kombisaka Ha Yona Leswaku Va Khathala Hi Swisiwana

July 20 Ku Hlaya Ka Bibele: Levhitika 25-27

No. 1: Levhitika 25:39-54

No. 2: Lexi Endlaka Swi Tika Ku Endla Leswinene (lr-TS ndzima 26)

No. 3: Loko Adamu A A Nga Dyohanga, Xana Eku Heteleleni A Ta Ya eTilweni? (rs-TS tl. 277 ¶4-5)

July 27 Ku Hlaya Ka Bibele: Tinhlayo 1-3

No. 1: Tinhlayo 3:1-20

No. 2: Leswi Endlaka Ku Laveka Ku Tikhoma Leswaku Munhu A Va Ni Moya Wo Rhula

No. 3: Xikwembu Xa Wena I Mani? (lr-TS ndzima 27)

Aug. 3 Ku Hlaya Ka Bibele: Tinhlayo 4-6

No. 1: Tinhlayo 4:1-16

No. 2: Ndlela Yo Tiva Loyi U Faneleke U N’wi Yingisa (lr-TS ndzima 28)

No. 3: Xana Munhu U Fanele A Ya eTilweni Leswaku A Va Ni Vumundzuku Lebyi Tsakisaka Hakunene? (rs-TS tl. 278 ¶1-3)

Aug. 10 Ku Hlaya Ka Bibele: Tinhlayo 7-9

No. 1: Tinhlayo 9:1-14

No. 2: Xana Swinkhubyana Hinkwaswo Swa Amukeleka Eka Xikwembu? (lr-TS ndzima 29)

No. 3: Tindlela Leti Hi Nga Kombisaka Ha Tona Leswaku Ha Tshembeka Eka Yehovha

Aug. 17 Ku Hlaya Ka Bibele: Tinhlayo 10-13

No. 1: Tinhlayo 13:17-33

No. 2: Lexi Nga Hi Pfunaka Leswaku Hi Hlula Ku Chava (lr-TS ndzima 30)

No. 3: Xana 1 Petro 3:19, 20 yi vula yini? (rs-TS tl. 278 ¶4)

Aug. 24 Ku Hlaya Ka Bibele: Tinhlayo 14-16

No. 1: Tinhlayo 14:26-43

No. 2: Xana Swi Vula Yini Ku Rhandza Nawu Wa Xikwembu? (Ps. 119:97)

No. 3: Laha Nchavelelo Wu Nga Kumiwaka Kona (lr-TS ndzima 31)

Aug. 31 Ku Hlaya Ka Bibele: Tinhlayo 17-21

Mpfuxeto Wa Xikolo Xa Vutirheli Bya Le Tilweni

Sept. 7 Ku Hlaya Ka Bibele: Tinhlayo 22-25

No. 1: Tinhlayo 22:20-35

No. 2: Ndlela Leyi Yesu A Sirheleriweke Ha Yona (lr-TS ndzima 32)

No. 3: Xana Nhlamuselo ya 1 Petro 4:6 hi yihi? (rs-TS tl. 278 ¶5)

Sept. 14 Ku Hlaya Ka Bibele: Tinhlayo 26-29

No. 1: Tinhlayo 27:1-14

No. 2: I Yini Nkongomiso Wa Mianakanyo, Naswona Ha Yini Wu Ri Wa Nkoka? (Efe. 6:4)

No. 3: Yesu A Nga Hi Sirhelela (lr-TS ndzima 33)

Sept. 21 Ku Hlaya Ka Bibele: Tinhlayo 30-32

No. 1: Tinhlayo 32:1-15

No. 2: Xana Ku Ta Humelela Yini Loko Hi Fa? (lr-TS ndzima 34)

No. 3: Xana Vakreste Hinkwavo Va Ni Ntshembo Wo Ya Hanya eTilweni? (rs-TS tl. 279 ¶1-3)

Sept. 28 Ku Hlaya Ka Bibele: Tinhlayo 33-36

No. 1: Tinhlayo 33:1-23

No. 2: Hi Nga Pfuka Eku Feni! (lr-TS ndzima 35)

No. 3: Hi Tihi Tindlela Leti Mfumo Wa Xikwembu Wu Nga Tlakuka Ha Tona Eka Tihulumendhe Hinkwato Ta Vanhu?

Oct. 5 Ku Hlaya Ka Bibele: Deteronoma 1-3

No. 1: Deteronoma 2:1-15

No. 2: Yi Ri Yini “Testamente Leyintshwa” Mayelana Ni Vutomi Lebyi Nga Heriki Bya Laha Misaveni? (rs-TS tl. 280 ¶1–tl. 281 ¶2)

No. 3: I Vamani Lava Nga Ta Pfuxiwa Eku Feni? Xana Va Ta Tshama Kwihi? (lr-TS ndzima 36)

Oct. 12 Ku Hlaya Ka Bibele: Deteronoma 4-6

No. 1: Deteronoma 4:15-28

No. 2: Ku Tsundzuka Yehovha Ni N’wana Wa Yena (lr-TS ndzima 37)

No. 3: Hi Rini Laha Ku Nga Ta Vuriwa Leswaku Swa Antswa Ku Va Ni Leswitsongo? (Swiv. 15:16)

Oct. 19 Ku Hlaya Ka Bibele: Deteronoma 7-10

No. 1: Deteronoma 9:1-14

No. 2: Lexi Endlaka Leswaku Hi Rhandza Yesu (lr-TS ndzima 38)

No. 3: Xana I Vangani Lava Bibele Yi Va Nyikaka Ntshembo Wa Vutomi Bya Le Tilweni? (rs-TS tl. 281 ¶3-4)

Oct. 26 Ku Hlaya Ka Bibele: Deteronoma 11-13

Mpfuxeto Wa Xikolo Xa Vutirheli Bya Le Tilweni

Nov. 2 Ku Hlaya Ka Bibele: Deteronoma 14-18

No. 1: Deteronoma 15:1-15

No. 2: Xana Ku Chava Xikwembu Swi Katsa Yini?

No. 3: Xikwembu Xi Tsundzuka N’wana Wa Xona (lr-TS ndzima 39)

Nov. 9 Ku Hlaya Ka Bibele: Deteronoma 19-22

No. 1: Deteronoma 22:1-19

No. 2: Ndlela Leyi U Nga Tsakisaka Xikwembu Ha Yona (lr-TS ndzima 40)

No. 3: Xana Lava 144 000 I Vayuda Va Ntumbuluko Ntsena? (rs-TS tl. 281 ¶5–tl. 282 ¶3)

Nov. 16 Ku Hlaya Ka Bibele: Deteronoma 23-27

No. 1: Deteronoma 25:1-16

No. 2: Vana Lava Tsakisaka Xikwembu (lr-TS ndzima 41)

No. 3: g Hi Swihi Swilo Leswi Hi Faneleke Hi Swi Teka Swi Ri Leswi Kwetsimaka?

Nov. 23 Ku Hlaya Ka Bibele: Deteronoma 28-31

No. 1: Deteronoma 30:1-14

No. 2: Lexi Endlaka Leswaku Hi Tirha (lr-TS ndzima 42)

No. 3: Hi Wihi Ntshembo Lowu Matsalwa Ma Wu Nyikaka Lava “Ntshungu Lowukulu?” (rs-TS tl. 282 ¶4-¶6)

Nov. 30 Ku Hlaya Ka Bibele: Deteronoma 32-34

No. 1: Deteronoma 32:1-21

No. 2: I Yini “Siku Lerikulu Ra Yehovha”? (Sof. 1:14)

No. 3: I Vamani Vamakwerhu Va Xinuna Ni Va Xisati? (lr-TS ndzima 43)

Dec. 7 Ku Hlaya Ka Bibele: Yoxuwa 1-5

No. 1: Yoxuwa 5:1-15

No. 2: Vanghana Va Hina Va Fanele Va Rhandza Xikwembu (lr-TS ndzima 44)

No. 3: Xana Mfumo Wa Xikwembu I Yini?—Ndlela Yo Kombisa Leswaku Ha Wu Lava (lr-TS ndzima 45)

Dec. 14 Ku Hlaya Ka Bibele: Yoxuwa 6-8

No. 1: Yoxuwa 8:1-17

No. 2: Mati Ma Lovisa Misava—Xana Ma Ta Tlhela Ma Yi Lovisa? (lr-TS ndzima 46)

No. 3: Ha Yini Ndzayo Leyi Nga Eka Eklesiasta 7:21, 22 Yi Pfuna?

Dec. 21 Ku Hlaya Ka Bibele: Yoxuwa 9-11

No. 1: Yoxuwa 9:1-15

No. 2: Ndlela Leyi Hi Swi Tivaka Ha Yona Leswaku Armagedoni Yi Kusuhi (lr-TS ndzima 47)

No. 3: Misava Leyintshwa Ya Xikwembu Ya Ku Rhula—Lexi Lavekaka Leswaku U Hanya Eka Yona (lr-TS ndzima 48)

Dec. 28 Ku Hlaya Ka Bibele: Yoxuwa 12-15

Mpfuxeto Wa Xikolo Xa Vutirheli Bya Le Tilweni

[Tinhlamuselo ta le hansi]