Mintirho Ya Timbhoni Ta Yehovha Ya Manguva Lawa

Britain

Loko u tshama laha mahungu lamanene ma chumayeriweke malembe yo tala, xana vutirheli bya wena byi nga va ni mihandzu leyinene? Timbhoni ta Yehovha ti chumayele 118 wa malembe eBritain. Kambe Timbhoni ta le Britain leti rhangisaka ku endla ku rhandza ka Yehovha emahlweni, ti ya ti pfulekeriwa hi malunghelo yo tala ya ku chumayela. Ku nga dyondziwa swo tala eka moya lowu ti wu kombisaka.

Riphabliki Ra Czech

Timbhoni ta Yehovha a ti yirisiwile ku ringana 46 wa malembe laha namuntlha ku vitaniwaka Riphabliki ra Czech. Ku ringiwa ka vutshembeki loku ti langutaneke na kona ku tise tidyondzo to tala leti nga vuyerisaka Mukreste un’wana ni un’wana wa ntiyiso. Emalembeni wolawo ya ku tshikileriwa, Yehovha u ye emahlweni a tiyisa vanhu vakwe hi tlhelo ra moya. Swilo leswi a va nyikeke swona ni ndlela leyi a va nyikeke ha yona swa hlamarisa hakunene.

Madagascar

Ku ni swimilana swo tala ni swiharhi leswi nga kotiki ku hanya kun’wana handle ka le Madagascar. Kambe xa nkoka ngopfu eka Timbhoni ta Yehovha i vanhu lava kombisaka ku tsakela Muvumbi wa swilo leswi. Eka Xihlala Lexikulu Xo Tshwuka, nhlayo ya lava va veke kona eka Xitsundzuxo xa rifu ra Kreste xa lembe ni lembe yi tlakuke yi suka eka 7 hi 1956 yi ya eka 46 392 hi 1999.