Nhlangano Wa Lembe Na Lembe—October 4, 1986

NHLANGANO WA LEMBE NA LEMBE wa swirho swa Watch Tower Bible and Tract Society of Pennsylvania hi October 4, 1986, wu ta tameriwa eHolweni ya Nhlengeletano ya Timbhoni ta Yehova, 2932 Kennedy Boulevard, Jersey City, New Jersey. Nhlangano wo sungula wa swirho ntsena wu ta khomiwa hi 9:30 a.m., wu landziwa hi nhlangano wa mani na mani wa lembe na lembe hi 10:00 a.m., Mugqivela, October 4, 1986.

Swi ta tlangeriwa loko swirho swa Vandla leri swo tivisa Hofisi ya Matsalana hi ku cinca kwihi na kwihi ka tiadirese ta vona ta poso loku endlekeke n’waxemu leswaku mapapila ya ntolovelo ya xitiviso ni maphepha ya nhlangano swi ta fika eka vona endzhakunyana ka August 15.

Maphepha ya nhlangano, lama nga ta rhumeriwa eka swirho swa wona kun’we ni xitiviso xa nhlangano wa lembe na lembe, swi fanele ku tlherisiwa leswaku swi fika eHofisini ya Matsalana wa Sosayiti ku nga si hundza September 1. Hi laha xirho xin’wana ni xin’wana xi tivaka ha kona, xi fanele ku tata ni ku tlherisa phepha ra xona ra nhlangano hi xihatla, xi vula loko xi ta va kona hi xoxe enhlanganweni kumbe loko xi nga ta va kona. Marungula lama nyikeriweke eka phepha rin’wana ni rin’wana ra nhlangano ya fanele ku va lama tiyeke emhakeni leyi, tanihi leswi ku nga ta tiseketeriwa hi wona eku kumisiseni ka lava kahle-kahle va nga ta va kona hi nyama ka ha ri emahlweni.

Ku rindzeriwa leswaku nongonoko hinkwawo, ku katsa ni nhlangano lowu endliwaka ximfumo wa bindzu ni swiviko, swi ta hetiwa hi 1:00 p.m. kumbe endzhakunyana ka kwalaho. A ku nga vi na nongonoko wa nindzhenga. Hikwalaho ka leswi ndhawu yi nga yintsongo, ku amukeriwa ku ta va hi ku tirhisa thikithi ntsena. Ku hava malunghiselelo lama nga ta endliwa yo yisa nhlangano wa lembe na lembe eswivandleni swin’wana hi tinqingho.