Lwisana Ni Xivundza Hi Ku Pfuna Van’wana—Leswi Bibele Yi Swi Vulaka

Vanhu vo tala emisaveni va titwa va ri ni xivundza naswona va vona onge a va nge swi koti ku va ni vanghana. Vativi van’wana va swa rihanyo va tshemba leswaku ku pfuna van’wana i ndlela yo hlula ku titwa hi ndlela yoleyo.

• “Ku pfuna lava lavaka mpfuno swi nga endla leswaku vutomi bya hina byi va ni xikongomelo naswona swi nga hi pfuna hi hlula xivundza.”—Vandlha Ra Rihanyo Ra Le United States. (U.S. National Institutes of Health)

Bibele yi hi nyika swiringanyeto swa leswi hi nga swi endlaka leswaku hi pfuna van’wana. Ku tirhisa leswi yi swi vulaka swi nga hi pfuna hi hlula xivundza.

Leswi u nga swi endlaka

Hanana. Lava tindlela to heta nkarhi u ri na van’wana. Tiyimisele ku avelana ni van’wana leswi u nga na swona. Loko u endla sweswo, swi nga ha va tsakisa naswona swi nga mi pfuna leswaku mi va vanghana.

• Nawu wa Bibele: “Hanyani hi ku nyika, kutani na n’wina mi ta nyikiwa.”—Luka 6:38.

Pfuna van’wana. Kuma tindlela to pfuna vanhu lava langutaneke ni swiyimo swo tika. Sweswo swi nga ha katsa ku va yingisela kumbe ku va endlela mitirho yo karhi leswaku u va olovisela vutomi.

• Nawu wa Bibele: “Munghana wa ntiyiso u kombisa rirhandzu mikarhi hinkwayo”—Swivuriso 17:17.

Leswaku u kuma rungula leri engetelekeke mayelana ni ku va ni vuxaka lebyinene ni van’wana, hlaya nhlokomhaka leyi nge “Ku Hanyisana Kahle Ni Vandyangu Ni Vanghana.”