Xingheniso Xa Xiyenge 1

Loko Bibele la ha sungula li vula swaku Xikwembu xi yendle swilo hinkwaswu na swi sasekile atilweni ni lani misaveni. Loko u li papayi kumbe mamani, pfuna n’wana wa wena ku vona swaku Yehovha a yendle swilo swa swinyingi swa ku tsakisa. Mu pfuni ku vona swaku Yehovha a hi yendle hi ndlela ya ku hlamalisa. Ku hambana ni swiharhi, hina hi kota ku vulavula, ku pimisa, ku yendla swilo swa nyuwani, ku yimbelela hambi hi ku khongela. Mu pfuni ku vona swaku swilo leswi Yehovha a nga swi yendla swi kombisa leswaku a ni matimba naswona a ni wutivi lalikulu. Yehovha wa swi rhandza swilo leswi a nga swi yendla. Funtshi hina vanhu hi hina a hi rhandzaka hintamu.