Xingheniso Xa Xiyenge 14

Vakreste va ku sungula va chumayele mahungu ya ku tsakisa ya Mfumu anze ka tindhawu ta le kule ta misava. Yesu a a va komba lomu a va fanele va chumayela kona naswona a tlhele a yendla leswaku va vulavula tirimi ta ku hambanahambana. Leswo swi yendle leswaku vanhu va twa mahungu ya ku tsakisa hi lirimi la vona. Hambileswi vadjondzisiwa a va hluphiwa, Yehovha a va nyike matimba leswaku va kota ku tama va chumayela na va nga chavi nchumu.

Yesu a kombe mupostolo Yohani nchumu wa ku hlamalisa hintamu, ku nga matimba ya Yehovha. Yohani a vone Mfumu wa Xikwembu na wu hlula Sathana ni mfumu wa yena. A tlhele a vona Yesu na a fuma ni lava va 144.000. Yohani a game a vona misava na yi li paradesi, na vanhu hinkwavu va gandzela Yehovha hi ku rhula na va ni ku twanana.