“Ni Va Djondzisile Vito La Wena”

“Ni li tivisile vito la wena ka vanhu lava u nga ni nyika vona lani misaveni. . . . Ni va djondzisile vito la wena naswona ni ta tama ni va djondzisa.” — YOHANI 17:6, 26.

Swi Vula Yini Leswo? Yesu a tivise vanhu vito la Xikwembu hikusa a a li tirhisa loko a li ka ntirho wa ku chumayela. Loko a lerha Matsalwa a a vulavula hi vito la Xikwembu. (Luka 4:16-21) Yena a byele valandzeli va yena swaku va khongelisa xileswi: “Papayi, vito la wena a li kwetsimisiwe.” — Luka 11:2.

Vakreste Va Minkama Ya Vapostolo Va Swi Tirhisise Ku Yini Leswo? Mupostolo Pedru a byele madoda ya Yerusalema swaku Xikwembu a xi lange “vanhu lava nga ta vitaniwa hi vito la xona”. (Mintirho 15:14) Vapostolo ni vanhu van’wani a va chumayela va ku: “Lweyi a vitanaka vito la Yehovha a ta ponisiwa.” (Mintirho 2:21; Varoma 10:13) Handle ka leswo vona a va tirhisa vito la Xikwembu ka Matsalwa lawa va nga ma tsala. A buku la minawu ya Vayuda leli vitaniwaka Tosefta, leli nga hetiwa ku tsaliwa kolomu ka 300 E.C., li vula leswi hi vakaneti lava a va hisa mabuku ya Wukreste: “Vakaneti a va hisa mabuku ya Tievhangeli ni mabuku ya Vakreste va Vayuda. A va hisa mabuku hinkwaku lomu a ma kumeka kona ku patsa ni mabuku lawa a ma tsaliwe vito la Xikwembu.”

I Vamani Lava Yingisaka Leswi Yesu A Nga Swi Vula Namuntlha? A Bibele la Versão Padrão Revista leli nga humesiwa hi Conselho Nacional de Igrejas de Cristo dos Estados Unidos li vula leswi ka pajina la ku sungula: “Ku tirhisiwa ka vito la Xikwembu i ngaku hiloko ko va ni swikwembu swin’wani leswi xi faneleke xi hambanisiwa na swona a swi nga ha tirhisiwi ka wukhongeli la Xiyuda hambi nkama na ku nga se va ni wukhongeli la Wukreste naswona swa tsimbisiwa ka wukhongeli la Vakreste amisaveni hinkwayu.” Hi mhaka leyo Bibele leli li suse vito la Xikwembu li gama li veka swaku, “HOSI.” Swoswinyana, wukhongeli la katolika li byele vafundhisi va lona li ku: “Mi nga ha tirhisi vito la Xikwembu leli tsaliwaka hi tetragrama la YHWHa ka swikhongelo ni ka tinsimu naswona mi nga tshuki mi vitana vito leli.”

I vamani lava tirhisaka va tlhela va chumayela vito la Xikwembu namuntlha? Nkama lowu Sergey wa Quirguistão a wa ha li jovhem a sixtire filmi leli nga vulavula hi vito la Xikwembu leli nge Yehovha kambe loko se ku hundze kolomu ka 10 wa malembe a nga ha zanga a li twa vito leli. Hi ku famba ka nkama loko Sergey a ta va a rhurhile a ya tshama aEstados Unidos de América, Timboni ta Yehovha timbirhi ti mu pfuxelile kaya ka yena ti tlhela ti mu komba vito la Xikwembu ka Bibele. Sergey a tsake hintamu hi ku tiva swaku a ku ni vanhu lava a va tirhisa vito la Yehovha. A Terceiro Novo Dicionário Internacional de Webster loko li tlhamusela vito leli nge “Yehovha Xikwembu” li li: “I Xikwembu xa ku tlakuka hintamu lexi tiviwaka naswona i Xikwembu xin’we lexi gandzeliwaka hi Timboni ta Yehovha.”

[Tlhamuselo]