Yesu “A Djondze Ku Yingisa”

Ku sukela ku sunguleni Yesu a a mu yingisa Yehovha. (Yoh. 8:29) Se hi mhaka muni Bibele li ku: “A djondze ku yingisa hi mhaka ya ku xaniseka ka yena”? — Heb. 5:8.

Nkama Yesu a a li lani misaveni a kumane ni swiyimu swa ku a a nge se tshama a kumana na swona tilweni. Hi xikombiso, hambileswi vapsali va yena a va mu rhandza Yehovha a va nga hetisekanga. (Luk. 2:51) Yesu a hluphiwe hi varhangeli va wukhongeli lava a va kanganyisa vanhu ni vafumi lava a va nga yavanyisi hi ku lulama. (Mat. 26:59; Mar. 15:15) Funtshi a dlayiwe hi ndlela ya ku vava swinene. Bibele li li: “A tiveke hansi, a yingisa anze a ya fa.” — Filp. 2:8.

Hinkwaswu leswi, swi djondzise Yesu ku yingisa hi ndlela ya nyuwani ya ku hambana ni leyi a a yi tolovelile. Swi yendle leswaku a va Hosi a tlhela a va Muprista Wamukulu wa ku hetiseka, lweyi a swi twisisaka kahle leswi hi titwisaka xiswona. (Heb. 4:15; 5:9) Loko Yesu se a djondze ku yingisa hi mhaka ku xaniseka ka yena, a ye a va wa lisima swinene ka Papayi wa yena a tlhela a tirhisiwa hi yena. Na hina loko hi tama hi yingisa Yehovha loko hi li ka swiyimu swa ku karhata, hi ta ya hi va va lisima ka yena hi tlhela hi swi kota ku yi hetisisa kahle mintirho hinkwayu leyi a nga ha hi nyikaka yona. — Yak. 1:4.