DJONDZO 4

Kunghenisa Matsalwa hi Ndlela Leyi Humelelaka

Matewu 22:41-45

U FANELE U YENDLA YINI? Lunghiselela miyanakanyo ya vayingiseli va wena na wungese lerha ndzimana ya Bibele.

Pimisa hi xivangelo lexiku yendlaka u lerha ndzimana yokarhi. Tirhisa ndzimana yin’wana ni yin’wana hi ndlela leyingata pfuna vayingiseli va wena kutwisisa mhaka ya lisima leyi u lavaka kuyi kandzihisa.

Kambisisa ntsutsu wa tsalwa. Loko u tshaha ndzimana ya Bibele u tlhela u vula lweyi a tsaleke buku lolelo, tiyiseka leswaku hakunene i ntiyiso.
Kombisa leswaku mhaka ya wena yi sekeliwe aBibeleni. Loko u li karhi u vulavula ni vanhu lava kholwaka ka Bibele, koka yingiso wa vona ka Bibele tani hi leswi linga “Rito la Xikwembu”, xisweswo uta va u kombisa leswaku lona i xihlovo lexi tlakukeke xa wutivi.
Kokela yingiso wa vayingiseli va wena ka ndzimana ya Bibele. Yendla xivutiso lexi ndzimana ya Bibele yingataxi hlamula; vula mhaka leyingata hlamuseliwa hi ndzimana ya Bibele, kumbe u tshaha tshinya lelingatava pfuna kutwisisa mhaka yokarhi.

Pimisa hi leswi vayingiseli va wena se vaswi tivaka mayelana ni mhaka kumbe ndzimana. Lerha ndzimana ya Bibele leyi vayi toloveleke hi ndlela leyinene, naswona va pfuni kuva vawu twisisa kahle ntsutsu wa mhaka.