Ambe engajtsï uaaka jorhenguarhini
¿Úraxakijtsï informasioni enga jaka Guía de estudio para los testigos de Jehová enga eksplikarijka máru Biblieri bersikuluechani?
I informasioniksïni jarhuataati sánderu sési kurhanguni Bibliani. Jimini uandasïndi ambe enga úkuarhipka enga karanhapka bersikulu ma, andisï karanhapi, para neecha karanhaspi o ambeksï arhikuekasïni máru uandakuecha engaksï bersikulurhu ma jaka.
Engajtsï jaiaskuska Biblieri bersikulu ma, uaakajtsï sánderu informasioni exeni partirhu Guía de estudio, no arhiparini engajtsï úrani jauaka BIBLIOTECA EN LÍNEA Watchtower™, o aplikasioni JW Library®. Uaakajtsï exentani ini informasioni náki uéjki Bibliarhu partirhu enga jindeeka para sánderu estudiarini.
Engajtsï úrani jauaka ini informasioni, exekua je fecheechani. Sánderu jimbanhi artikuluechaksï orheta xarharasïndi ka tátsekua imeecha engaksï ióntki uérapka. Asï mirikurhi je eska máru informasioni mójtakurhiskia.
BIBLIOTECA EN LÍNEA Watchtower jimbo iámindu informasioni enga jaka Guía de estudio jimbo, jandiajku uérasïndi.
Parajtsï úni exeni iámindu ini informasioni JW Library jimbo, uétarhisïndi eskajtsï késkuaka Guía de estudio ka someni aktualisariini jarhani parajtsï úni exeni sánderu jimbanhi informasioni ambe. Ka parajtsï késkuni, jima jaiasku je enga dibuju ma jaka diamantiiri ka tátsekua jima enga arhijka descargar ahora.