Ишагыя

64 Әгәр син күкләрне ертып аска төшсәң иде,

Синең аркада таулар селкенер иде!

2 Бу ялкыннан чыбык-чабык янып киткәндәй

Һәм уттан су кайнагандай булыр иде,

Шунда дошманнарың исемеңне танып белеп,

Халыклар синең алда калтырар иде!

3 Син курку-хөрмәт уята торган эшләр — без күрергә өметләнмәгән эшләр башкарганда,+

Аска төштең, һәм синең алдыңда таулар селкенде.+

4 Элек-электән беркем дә башка Аллаһы турында ишетмәгән һәм белмәгән,

Беркем дә синнән башка Аллаһыны күрмәгән,

Син генә үзеңне көтеп* торучылар хакына эш итәсең.+

5 Син дөрес булганны шатланып эшләүчеләргә,+

Сине истә тотып юлларыңнан йөрүчеләргә ярдәмгә киләсең.

Ләкин без гөнаһлар кылып тордык, һәм син ярсыдың,+

Без озак вакыт гөнаһ кылдык.

6 Без бөтенебез нәҗес кешедәй булып киттек,

Безнең бөтен тәкъва эшләребез күрем көннәрендәге кием шикелле.+

Без барыбыз яфрак кебек корырбыз,

Гөнаһларыбыз безне җил сыман очырып алып китәр.

7 Синең исемеңне чакыручы беркем юк,

Бер кеше дә сиңа тотынырга омтылмый.

Син бездән йөзеңне бордың,+

Гөнаһларыбыз аркасында безне корытасың.

9 И Йәһвә, чиктән тыш ярсый күрмә,+

Гөнаһларыбызны мәңге истә тотма.

Сио́н — чүлгә,

Иерусалим ташландык җиргә әверелде.+

11 Безнең изге һәм данлыклы* йортыбыз*

Утта янды.+