• Зәбур 15:1–5
    Изге Язмалар (Тәүрат, Зәбур, Инҗил)

    • 15 И Йәһвә, синең чатырыңда кем кунак була ала?

      Синең изге тавыңда кем яши ала?+

      2 Сафлык юлыннан йөрүче,+

      Тәкъвалык буенча эш итүче,+

      Үз йөрәгендә дөресен сөйләүче кеше.+

      3 Ул теле белән башкаларга яла якмый,+

      Якынына һичнинди начарлык кылмый+

      Һәм дусларын хурламый.*+

      4 Кабахәт кешене кире кага,+

      Ә Йәһвәгә карата курку-хөрмәт күрсәткәннәрне зурлый.

      Хәтта үтәве авыр булса да, ул үз вәгъдәсен бозмый.+

      5 Акчасын ул арттырып алу өчен бирми+

      Һәм гаепсезне гаепләү өчен ришвәт алмый.+

      Шулай эшләүче һәркем һичкайчан какшамас.*+

  • Зәбур 27:4
    Изге Язмалар (Тәүрат, Зәбур, Инҗил)

    • 4 Йәһвәдән мин бер генә нәрсә сорадым,

      Шуны эзләрмен дә:

      Йәһвәнең күркәмлеген күрер өчен,

      Аның гыйбадәтханәсенә* сокланып* карап торыр өчен,+

      Гомеремнең бар көннәрендә Йәһвәнең йортында буласым килә.+

  • Зәбур 84:1–4
    Изге Язмалар (Тәүрат, Зәбур, Инҗил)

    • 84 Синең бөек чатырың нинди күркәм соң,*+

      И Гаскәрләр Иясе Йәһвә!

      2 Бөтен барлыгым*

      Йәһвәнең ишегалларына омтыла,

      Әйе, күңелем ашкынуыннан хәлсезләнеп беттем.+

      Йөрәгем һәм тәнем, шатланып, тере Аллаһыга аваз сала.

      3 И Гаскәрләр Иясе Йәһвә,

      Патшам һәм Аллаһым минем! Синең бөек мәзбәхең янында

      Хәтта кош та үзенә өй таба,

      Карлыгач үзенә оя кора,

      Анда ул үз балаларын карап үстерә.

      4 Синең йортыңда яшәүчеләр бәхетле!+

      Алар сине өзлексез мактый.+ (Села)