Ишагыя

35 Чүл һәм кибеп беткән җир сөенер,+

Дала шатланыр һәм зәгъфран кебек чәчәк атар.+

Аңа Лива́н даны,+

Карми́л+ һәм Шару́н+ шөһрәте бирелер.

3 Көчсез кулларыгызны ныгытыгыз,

Калтыраган тезләрегезне нык итегез.+

Менә, Аллаһыгыз үч алырга,

Аллаһы җәза бирергә килер.+

5 Ул вакытта сукырларның күзләре ачылыр,+

Саңгырауларның колаклары ишетә башлар.+

6 Ул чакта аксак боландай сикерер,+

Телсезнең теле шатланып кычкырыр.+

Чүлдә сулар бәреп чыгар,

Далада ташкыннар ага башлар.

7 Эсседән көйгән җир камыш баскан күл булып китәр,

Сусаган җир су чишмәләре аккан җиргә әйләнер.+

Шакаллар ял иткән ояларда+

Яшел үлән, камыш һәм папи́рус үсәр.

8 Анда зур юл булыр,+

Ул «Изгелек юлы» дип аталыр.

9 Ул юлда арыслан булмас,

Бернинди явыз ерткыч анда чыкмас.

Алар анда очрамас,+

Йолып алынганнар гына анда йөрер.+

Алар сөенеч белән куанычка күмелер,

Кайгы һәм көрсенү юкка чыгар.+