Көләсәйлеләргә
2 Шуны белегез: мин сезнең хакка, Лауди́киядәгеләр+ хакына һәм мине күргәннәре булмаган барлык кешеләр хакына бөек көрәш алып барам. 2 Мин моны аларның күңелләрен юатыр өчен,+ алар мәхәббәттә берләшкән булсыннар өчен+ һәм шулай итеп бөек байлыкка ия булсыннар өчен эшлим. Ә ул байлык алар үзләре тулысынча ышанган хакыйкатьне аңлаудан килә. Шулчак алар Аллаһының изге серен — Мәсихне төгәл беләчәк.+ 3 Аңарда зирәклекнең һәм белемнең бөтен хәзинәләре яшеренгән.+ 4 Мин моны, сезне беркем дә ышандырырлык сүзләр китереп алдамасын өчен әйтәм. 5 Әйе, мин үзем сезнең янда түгел, әмма рухым белән сезнең яныгызда һәм сездәге яхшы тәртипне,+ Мәсихкә иманыгызның ныклыгын күреп куанам.+
6 Шуңа күрә Хуҗабыз Мәсих Гайсәне ничек кабул иткән булсагыз, алга таба да аның белән бердәмлектә шулай йөрегез, 7 үзегезне ничек өйрәткән булсалар, шулай аңарда тамырланыгыз, төпләнегез,+ иманда тотрыклы булыгыз,+ һәм Аллаһыга рәхмәтләр укыганда иманыгыз арта барсын.+
8 Сак булыгыз, Мәсих тәгълиматына түгел, ә кеше йолаларына һәм дөньяның төп карашларына нигезләнгән фәлсәфә,+ буш алдау аша сезне беркем дә үз әсире итмәсен. 9 Чөнки Аллаһының асылы Мәсихтә бөтен тулылыгы белән гәүдәләнеп яши.+ 10 Сез дә аның, ягъни һәркайсы хөкүмәт белән хакимлекнең башы,+ ярдәмендә тулылыкка ия. 11 Аның белән мөнәсәбәтләрегез булганга, сезне дә сөннәткә утырттылар, әмма бу сөннәт — кул белән башкарылган сөннәт түгел, ә тәнне гөнаһлы юлларыннан арындыру.+ Мәсих хезмәтчеләре шулай сөннәтләнә дә.+ 12 Ул үткән суга чумдырылуны сез дә үттегез, һәм шулай итеп Аллаһы сезне аның белән бергә җирләде.+ Аны үледән терелткән+ Аллаһы аның ярдәмендә сезне аның белән бергә терелтте,+ чөнки сез Аллаһының кодрәтле эшләренә иман итәсез.
13 Сез үз ялгышлыкларыгыз аркасында үле һәм сөннәтсез идегез, әмма Аллаһы сезне аның белән бергә терелтте.+ Ул бар ялгышлыкларыбызны ихлас күңелдән кичерде,+ 14 һәм безгә каршы+ шаһитлек биргән кануннар+ кулъязмасын тулысынча гамәлдән чыгарды.+ Ул аны җәфалану баганасына* кадаклап юк итте.+ 15 Ул хөкүмәтләр белән хакимлекләрне ялангач калдырды һәм, һәркем күрсен өчен, аларны шул багана* ярдәмендә җиңгәнен күрсәтеп,+ тоткыннарны үткәргәндәй тантана белән үткәрде.
16 Шуңа күрә ашаган ризыгыгыз һәм эчкән эчемлегегез яки нинди дә булса бәйрәм, я яңа ай,+ я Шимбә көнен+ үткәрү турында сүз барамы, сезне һичкем дә хөкем итмәсен.+ 17 Болар — киләчәкнең күләгәсе,+ ә чынбарлык — Мәсихтә.+ 18 Ясалма басынкылыктан һәм фәрештәләргә табынудан ләззәт табучы һичкем сезне үзегезгә биреләчәк бүләктән мәхрүм итмәсен.+ Андый кешеләр үзләренең күргәннәрендә үҗәтләнеп торалар,* камил булмаган кешеләргә хас уйлары белән бер сәбәпсез масаеп йөриләр 19 һәм безнең чын Башыбызга иярмиләр,+ ә нәкъ аның ярдәмендә бөтен тән буыннар һәм сеңерләр белән үзара беркетелеп ныгытылган һәм Аллаһы ярдәме белән үсә бара.+
20 Әгәр сез, бу дөньяның төп карашларын кире кагып,+ Мәсих белән бергә үлгәнсез икән, ни өчен соң сез әле дә бу дөньяның өлеше булгандай: 21 «Кагылма, татыма, тимә»,— дигән кагыйдәләргә буйсынып яшисез?+ 22 Бу кагыйдәләр ашап-эчү аша юк ителә торган нәрсәләр турында, һәм алар кеше уйлап чыгарган әмерләр белән тәгълиматларга нигезләнгән бит.+ 23 Алар кешеләрнең үзләренчә табынуына, ясалма басынкылыкка, тәнне кырыс тотуга китерә,+ һәм бу тышкы яктан гына зирәклек булып күренә, әмма тән нәфесләре белән көрәшүдә аларның бернинди дә файдасы юк.