Ишагыя

32 Менә, патша+ тәкъвалык хакына патшалык итәр,+

Һәм мирзалар гаделлек хакына идарә итәр.

2 Аларның һәрберсе җилдән яшеренер урын кебек,

Давыллы яңгырдан сыеныр урын кебек булыр,

Сусыз җирдә су ташкыннарыдай,+

Һәм коры җирдә зур кыяташның күләгәседәй булыр.

3 Шунда күргәннәрнең күзләре бүтән ябылмас,

Ишеткәннәрнең колаклары игътибарлы булыр.

4 Ашыгып эш итүчән кешеләр күңелләреннән белем турында уйлар,

Һәм тотлыгып сөйләүче тел шома һәм ачык итеп сөйләр.+

5 Акылсыз кеше бүтән юмарт дип,

Ә аумакай кеше күренекле дип аталмас.

6 Чөнки акылсыз кеше мәгънәсез сүз сөйләр,

Күңелендә зыянлы нәрсәләр уйлап чыгарыр.+

Ул моны мөртәтлек таратыр* өчен һәм Йәһвә турында ялган сөйләр өчен,

Ач кешене* ач йөртер өчен

Һәм сусаган кешене сусыз калдырыр өчен эшләр.

Мескенне ялган белән һәлак итәр өчен,+

Оятсыз тәртипкә этәрә.

8 Ә юмартның ниятләре юмартлык турында,

Һәм ул юмарт* булып кала.

10 Елдан аз гына артыграк вакыт үткәч, сез, гамьсезләр, калтыранырсыз,

Чөнки йөзем җыю вакыты бетсә дә, бернинди җимеш җыелмас.+

Өстегездән киемегезне салыгыз,

Билләрегезгә матәм киеме урагыз.+

Алар шатлык тулы бөтен йортларны,

Әйе, куаныч тулы шәһәрне басып китәр.+

Офи́л*+ һәм күзәтү манарасы буш җиргә,

Кыргый ишәкләр өчен иркен җиргә,

Мал өчен көтүлеккә әйләнде.+

15 Югарыдан безгә Аллаһы рухы иңгәнче,+

Чүл җимеш бакчасына әверелгәнче,

Ә җимеш бакчасы урман итеп саналганчы шулай булыр.+

16 Шунда чүлдә гаделлек урнашыр,

Һәм җимеш бакчасында тәкъвалык торыр.+

17 Чын тәкъвалыкның нәтиҗәсе тынычлык булыр,+

Чын тәкъвалыкның җимеше дәвамлы тынычлык һәм иминлек булыр.+

18 Минем халкым тынычлык хөкем сөргән урыннарда,

Куркынычсыз җирләрдә һәм имин торакларда яшәр.+

19 Ләкин урманны боз сугар,

Һәм шәһәр җир белән тигезләнер.

20 Бөтен су агымнары буйлап орлык чәчүчеләр,

Үгез белән ишәкне чыгаручылар* бәхетле».+