Шаул Дәмәшекъкә юл тота

Шаул, Дәмәшекъкә якынлашып килгәндә, яктылыктан сукыраеп җиргә егыла. Ул: «Шаул, Шаул, нигә син мине эзәрлеклисең?» — дигән тавыш ишетә (Рс 9:3, 4; 22:6—8; 26:13, 14). Шаул Дәмәшекътә Гайсәнең шәкертләрен кулга алырга һәм аларны бәйләп Иерусалимга алып килергә ниятли, ләкин Гайсә аңа комачаулый. Шаулның Иерусалимнан Дәмәшекъкә кадәрге якынча 240 километрлык сәяхәте ул көткәнчә түгел, ә гел башкача тәмамлана. Гайсәнең хәбәре аркасында Шаул (соңрак Паул дигән рим исеме белән билгеле булган) мәсихчеләрне каты эзәрлекләүчедән мәсихчеләр диненең иң кыю яклаучыларының берсе булып китә. Паулның ашкынучан хезмәте җентекләп Рәсүлләр китабында сурәтләнә.