«Киемнәрегезне көя кискәләде»

Бу фотографиядә көя киемгә китерә алган зыян күрсәтелгән. (Фотографиядә күлмәк көясе [Tineola bisselliella] һәм аның кортлары сурәтләгән.) Изге Язмалар язучысы Ягъкуб, байлыкка таяну акылсыз икәнен күрсәтер өчен, көяне искә ала (Яг 5:2). Б. э. I гасырында байлыкны еш кына ашлык, зәйтүн мае я кием белән үлчәгәннәр. Ләкин хәтта купшы кием дә көя я көя кортлары аркасында җиңел генә яраксыз булып китә алган. Көя кортлары — туймас тамак. Алар борынгы вакытта булган бар тукымаларны, мәсәлән, җитен, кәҗә йоны, дөя йоны я хәтта тирене дә ашап бетерә алган. Еврей Язмаларны язган кешеләр дә зарар китерә торган көяне искә ала (Әп 13:28; Иш 51:8). Гайсә үзенең Таудагы вәгазендә, байлыкка таяну акылсыз икәнен күрсәтер өчен, көя нинди зур зарар китерә алганын сурәтләп биргән һәм «байлыкны күктә җыярга» дәртләндергән (Мт 6:19, 20).