Җавап эзлибез

Без ничек акча эшләп алырга икәнен беләбез, шуңа күрә гаҗәеп уңайлыклар белән ләззәтләнәбез: бездә кондиционерлар, югары сыйфатлы тавыш аппаратурасы бар, без һәр көн диярлек җиләк-җимеш ашыйбыз. Шулай да безне бер сорау борчый: «Без нәрсә өчен яшибез? Нәрсә дип мәшакатьләнеп яшәргә? Яшәүнең максаты нинди?» Хоуп Колледжы, Холланд (АКШ, Мичиган штаты), психология профессоры Дэвид Майерс

СЕЗ бу профессорның сорауларына нинди җавап бирер идегез. Кемдер андый сорауларга җавап эзләү — бушка вакыт уздыру дияр. Әмма җавап эзләмәү аяк киеменә кергән кечкенә ташка игътибар итмәүгә тиң: йөреп була, әмма барыбер уңайсыз.

Сезнең дә тормышның тирәнрәк максаты бармы микән дип уйланганыгыз бардыр. Бөтендөнья хазинәләрне тикшерү мәгълүматлары буенча (төрле җәмгыятьләр һәм культураларның хәзинәләрен тикшерү буенча зур программаларның берсе), күп илләрдә «тормышның мәгънәсе һәм максаты турында» уйлана башлаган кешеләрнең саны үсә.

Җан тынычлансын өчен, мондый өч мөһим сорауга җавап табарга кирәк:

Кеше ничек барлыкка килгән?

Тормышның максаты бармы?

Безне киләчәктә нәрсә көтә?

Әмма ышанычка лаек җавапларны кайдан табарга? Уйдырмаларга яки фәлсәфәгә бирелер урынына, әйдәгез, Аллаһы Сүзендәге, Изге Язмалардагы җавапларга игътибар итик. Алар бу журналда бирелгән. Без сезне үз Изге Язмалар китабыгызны ачып, анда әйтелгәннәрне үз күзләрегез белән күрергә чакырабыз.