Ни өчен кешеләр тынычлыкка ирешә алмый? Изге Язмаларда нәрсә әйтелә?

Идарәчеләр һәм халыкара оешмалар дөньяда тынычлык урнаштыра алмый. Икенче бөтендөнья сугышыннан бирле хәзер иң күп сугышлар алып барыла. Якынча ике миллиард кеше, ә бу җир йөзендә яшәгән кешеләрнең дүрттән бер өлеше, сугышлар барган территорияләрдә яши.

Ни өчен кешеләр тынычлыкка ирешә алмый? Изге Язмаларда нәрсә әйтелә?

Кешеләрнең тынычлык урнаштыра алмаганына өч сәбәп

1. 1. Изге Язмаларда безнең көннәрдә «кешеләр үзләрен генә сөючән, акча яратучан, мактанчык, тәкәббер... тугрылыксыз... килешмәүчән... тотнаксыз, рәхимсез... дуамал, масаючан... булырлар» дип пәйгамбәрлек ителгән булган (2 Тимутигә 3:2—4). Андый сыйфатлар аркасында кешеләр тынычлык урнаштырырга хәтта тырышмый да.

2. 2. Кешеләр үзләре генә дә, бергәләшеп тә кешелек проблемаларын хәл итәргә сәләтле түгел. Изге Язмаларда моның турында: «Баручы хәтта үз адымнарына да юнәлеш бирә алмый»,— дип әйтелә (Ирмия 10:23). Тик Барлыкка Китерүчебез Йәһвәa Аллаһы гына сугышларны бетерә ала.

3. 3. «Бөтен дөнья Явызның хакимлеге астында тора» (1 Яхъя 5:19). Әйе, көчле һәм явыз идарәче Шайтан Иблис «бөтен дөньяны юлдан яздыра» (Ачылыш 12:9). Шуңа күрә әлегә җирдә сугышлар бара да.

Кем җирдә тынычлык урнаштырачак?

Изге Язмалар буенча, тынычлыкны җирдә кешеләр түгел, ә Аллаһы урнаштырачак.

• «Сезгә нәрсә эшләргә җыенганымны мин яхшы беләм,— ди Йәһвә.— Киләчәгегез һәм өметегез булсын өчен, мин сезгә бәла-каза түгел, ә тынычлык бирермен» (Ирмия 29:11).

Аллаһы бу вәгъдәне ничек үтәячәк? «Тынычлык бирүче Аллаһы тиздән Шайтанны... изәчәк» (Римлыларга 16:20). Бөтен дөньяда тынычлык урнаштырыр өчен, Аллаһы күктәге Хөкүмәтне — «Аллаһы Патшалыгын» кулланачак (Лүк 4:43). Бу Патшалыкның Патшасы Гайсә Мәсих кешеләрне тынычлыкта яшәргә өйрәтәчәк (Ишагыя 9:6, 7).

• Күбрәк белер өчен, «Аллаһы Патшалыгы нәрсә башкарачак?» дигән мәкаләне укыгыз.