Дрозофиланың очу сәләте

Чебенне бәреп үтерергә тырышкан һәркем моның никадәр авыр булганын яхшы беләдер. Яшен тизлегендәге реакцияләре булу сәбәпле бу бөҗәкләр үзләрен тотып алу тырышлыкларыннан җиңел генә тайпыла.

Галимнәр ачыклаганча, чебеннең бер төре — дрозофила чебене һавада истребитель самолетлары кебек кискен борылышлар ясарга сәләтле, әмма истребительгә караганда ул үз юнәлешен бер мизгелдә үзгәртә ала. Биология профессоры Майкл Дикинсон әйткәнчә, чебеннәр туганнан бирле «оста оча белә. Бу яңа туган сабый баланы истребительгә утыртып, аның шунда ук нәрсә эшләргә кирәклеген белүенә охшаш».

Тикшерүчеләр чебеннең югары пилотаж фигураларын башкарганын төшергән һәм секундына 200 мәртәбә канат какканына игътибар иткән. Шулай да бер җилпүе белән ул кискен борылып кача ала.

Ә чебеннең реакциясе турында нәрсә әйтеп була? Тикшерүләр буенча, чебеннең куркынычка реакциясе кешенең күз ачып йомуыннан 50 тапкырга тизрәк. Дикинсон болай ди: «Чебен бик катлаулы исәпләүләр ясый: бик кыска вакыт эчендә ул куркынычның кайдан янаганын аңлый һәм качар өчен төгәл юнәлешне билгели».

Дрозофила чебененең бәләкәй мие моның барысын ничек эшләргә сәләтле? Тикшерүчеләр моның турында уйлап, һаман да башларын вата.

Сез ничек уйлыйсыз? Дрозофиланың очу сәләте эволюция нәтиҗәсендә барлыкка килгәнме? Яисә аны Аллаһы барлыкка китергәнме?