Йәһвә Шаһитләренең өлкә конгрессы, 2008 ел
1. а) Ни өчен Паулның яһүди мәсихчеләргә бирелгән киңәшенә аеруча безнең көннәрдә игътибарлы булу мөһим? (Еврейләргә 10:24, 25 не укы). б) Бездә Паулның киңәшен кулланырга нинди мөмкинлек туачак?
1 Рәсүл Паул яһүди мәсихчеләрне бергә җыелырга һәм бер-берсенә көч бирергә дәртләндергән. Чөнки алар «Раббы көненең якынлашуын күреп торган» (Евр. 10:24, 25). Безнең көннәрдә Паул әйткән «көннең» бик якын икәне тагы да ачыграк күренә! Шуңа күрә без, рухи үгет-нәсихәт алыр өчен, безнең кардәшләребез белән җыелырга мөмкинлекне түземсезлек белән көтәбез. Бу рухи үгет-нәсихәт безгә тагы да авырая барган «соңгы көннәрдә» җитәкчелек бирер иде (2 Тим. 3:1). Андый мөмкинлек 2008 елда булачак өлкә конгрессларында туачак.
2. а) Ни өчен конгрессның ике көненә дә килү мөһим? б) Конгресска кайчан әзерләнә башларга кирәк?
2 Конгрессның ике көненә дә кил. Без сине конгрессның ике көненә дә килергә дәртләндерәбез. «Гыйбадәт кылу өчен бергә җыелудан баш тартмыйк», һәм конгресста яңгыраячак мөһим рухи үгет-нәсихәт алыйк (Евр. 10:25). Конгресска хәзердән үк әзерләнә башла. Эш бирүче белән алдан ук сөйләшеп куй: бу аңа кирәкле үзгәрешләр ясарга булышачак. Конгресс вакытында балаларың мәктәпкә йөрергә тиеш булса, укытучылары белән планнарыгыз хакында сөйләш. Алар шуны белсеннәр: өлкә конгрессында булу — бу гыйбадәт кылуыбызның аерылгысыз өлеше. Син Патшалык эшләрен беренче урынга куйсаң, Йәһвә синең тырышлыгыңны, һичшиксез, фатихалаячак (Мат. 6:33).
3. Без башкаларга игътибарыбызны ничек күрсәтә алабыз?
3 Башкаларга да конгресска килергә ярдәм ит. Паул шулай ук үз кардәшләрен «бер-берсенә игътибарлы булырга» чакырган (Евр. 10:24). Синең китап өйрәнүеңдәге кардәшләргә конгресска барыр өчен ярдәм кирәкме? Син Изге Язмалар өйрәнүчеләреңә, хәтта аларның бер көнгә килергә мөмкинлеге булса да, конгресс программасыннан файда алырга ярдәм итә аласыңмы? Хакыйкать белән кызыксынмаган туганнарыңа конгресска барырга планнарың турында әйткәндә, аларны үзең белән барырга чакыр. Синең яратуың һәм тырышлыкларың көтелмәгән фатихаларга китерергә мөмкин.
4. Өлкә конгрессларының вакыты һәм урыны хакындагы информацияне кемнән алып була?
4 Информация кирәк булса. Һәр ел филиалга йөзләрчә мәртәбә шалтыратып, конгрессларның кайчан һәм кайда үткәреләчәге турында сорыйлар. Филиал бу информацияне барлык җыелыш сәркатипләренә җибәрә. Филиалга шалтыратканчы, башка шәһәрләрдә үткәреләчәк конгрессларның урыны һәм вакыты турында сәркатиптән сорагызчы.
5. Без җыелышыбыз чакырылган конгресска түгел, ә башкасына барырга теләсәк, безгә нәрсә эшләргә кирәк?
5 Әйтик, син җыелышың чакырылган конгресска түгел, ә башкасына барырга җыенасың ди. Бу конгрессның бюросына «Махсус ихтыяҗлы кешеләрне урнаштыру турындагы заявканы» җибәреп, тору урыны турындагы информацияне алып була. Бу бланклар тиздән җыелыш сәркатипләренә җибәреләчәк. Ул сиңа тиешле конгресс бюросының адресын бирәчәк. Җавап бирүләрен теләсәң, хатка үзеңнең адресың белән конвертны һәм марканы сал.
6. «Махсус ихтыяҗлы кешеләрне урнаштыру турындагы заявка» хакында нәрсә онытмаска кирәк?
6 Махсус ихтыяҗлар. Вәгазьче тору урынын конгрессның квартир бүлеге аркылы алырга теләсә, аңа «Махсус ихтыяҗлы кешеләрне урнаштыру турындагы заявканы» тутырырга кирәк. Андый заявканы кемгә бирергә икәнен җыелышның хезмәт комитеты билгели. Сәркатип заявканы конгрессның квартир бүлегенә җибәргәнче, бу бланкдагы һәм бар өлкәннәр советларына язылган хаттагы (2007 ел 14 декабрь) күрсәтмәләрне карап чыгарга кирәк.
7. а) Өлкә конгрессына килеп, без Йәһвәне ничек данлый алабыз? б) Кунакханәдә эшләгән кешеләр кардәшләребезнең яхшы тәртибен күреп, нинди мактау сүзләре әйтә?
7 Игелекле эшләр. Без Йәһвәнең гыйбадәт кылыр өчен бергә җыелырга дигән әмеренә колак салсак, «файдалыга» өйрәнәчәкбез. Әмма тагы дә мөһимрәге шул: шулай эшләп без Йәһвә исемен данлыйбыз (Ишаг. 48:17). Өлкә конгрессларында безнең игелекле эшләребез күп кешеләргә билгеле, һәм бу кайберәүләрне үз хисләрен белдерергә дәртләндергән (1 Тим. 5:25). Бер шәһәрдә күп еллар бер-бер артлы безнең өлкә конгресслары үткәрелә. Бер кунакханәнең администраторы болай дигән: «Йәһвә Шаһитләре турында һәм сезнең конгрессларыгыз безгә ничек тәэсир итә икәне турында шәһәрдә бик күп сөйлиләр. Без сезнең шәһәр үзәген чистартканыгызны беләбез, һәм автомобильләр торачак урыннарны тәртипкә салганнарыгызны күрәбез. Җәйге сезон вакытында сезне кабул итәргә безгә шатлык китерә. Безнең хезмәттәшлегебез киләсе елда да дәвам итәр дип өметләнәбез». Ул башка төркемнәр һәм эстрада артистлары китерә торган авырлыклар турында сөйләгәч, безнең кардәшләребезне хезмәттәшлек итәргә әзерлек өчен һәм кунакханәдә яшәгәндә күрсәткән сабырлыгы өчен мактаган һәм болай дигән: «Без бөтен кунакларыбызның үзләрен Йәһвә Шаһитләре кебек тотуларын теләр идек!» Кардәшләребезне яхшы тәртипләре өчен күп мәртәбә моңа охшаш сүзләр белән мактаганнар, ә бу, һичшиксез, безнең Аллаһыбыз Йәһвәнең йөрәген шатландыра!
8. Маттай 4:4 тәге сүзләр программаның һәр өлешен игътибар белән тыңлау мөһим икәнен ничек күрсәтә?
8 Гайсә безнең тормышыбыз «Аллаһы әйткән һәр сүзне» тыңлауга бәйле дип әйткән (Мат. 4:4). Йәһвә һәр ел үткәрелә торган конгрессларда безгә «ышанычлы һәм акыллы хезмәтче» әзерләгән рухи «ризыкны үз вакытында» бирә (Мат. 24:45). Бу рухи мәҗлесне әзерләр өчен, бик күп эшләр башкарыла. Без Йәһвәнең яратучан кайгыртуы өчен рәхмәтлебезне ничек белдерә алабыз? Әйдәгез, конгресска килеп, программаның һәр өлешен игътибар белән тыңлыйк.
[3 нче биттәге рамка]
Конгресс расписаниесе:
җомга һәм шимбә
9:20 — 17:05
якшәмбе
9:20 — 16:30