Хакыйкать хакында шаһитлек бирүче журналны тәкъдим ит
1. «Күзәтү манарасы» журналы нинди роль уйный?
1 «Күзәтү манарасы Йәһвә Патшалыгын игълан итә» дигән журнал Патшалык турындагы вәгазьләү һәм шәкертләр әзерләү эшендә һаман да бик мөһим роль уйный (Мат. 24:14; 28:19, 20). Без вәгазьнең төрле төрләрендә катнашканда кешеләргә әһәмиятле темалар карала торган бу журналны һәрвакыт шатлык белән тәкъдим итәбез.
2. «Күзәтү манарасы» журналында нинди үзгәрешләр булган һәм ни өчен?
2 Еллар дәвамында бу журналның күләме һәм эчтәлеге, һәм шулай ук аны тәкъдим итү юллары үзгәрә барды. Барлык бу үзгәрешләр бер максат белән, журнал кызыклы һәм файдалы булсын дип эшләнде. Һәм шуның белән Патшалык турындагы хәбәр барлык кешеләрнең йөрәгенә үтеп керә, һәм бу аларның «котылуына һәм хакыйкатьне тануга ирешүләренә» китерә ала (1 Тим. 2:4).
3. Без журналны хезмәттә ничек кулланачакбыз?
3 Без хәзер хезмәтебездә кешеләргә өч ай дәвамында төрле тәкъдим итү сүзләре кулланып, «Күзәтү манарасы Йәһвә Патшалыгын игълан итә» дигән журналның бер төрен бирәчәкбез. Журнал өчен тәкъдим итү сүзләре «Безнең патшалык хезмәтебез»нең соңгы битендә китерелә. Алар гадәттә журналның кереш мәкаләләренең берсенә, ә кайчакта күп кешеләр өчен кызыклы булачак кайбер башка мәкаләләренә басым ясый. Без үзебез бу мәкаләләрне алдан ук укып чыксак һәм бу тәкъдим итү сүзләрен безнең территориягә яраклаштырып, аларны үз сүзләребез белән әйтсәк, аларны уңышлы итеп куллана алырбыз.
4. Ни өчен «Безнең патшалык хезмәтебез»дә язылган тәкъдим итү сүзләре белән бергә башка тәкъдим итү сүзләрен куллану файдалы булырга мөмкин?
4 «Безнең патшалык хезмәтебез»дә журнал өчен тәкъдим итү сүзләре китерелсә дә, башка төрле тәкъдим итү сүзләрен дә кулланып була. Моңа бер сәбәп: журналның башка мәкаләләре безнең территория өчен кызыклы булырга мөмкин. Яисә без үзебезгә бик кызыклы булган мәкалә өчен тәкъдим итү сүзләрен әзерләп һәм аларны кулланып, уңышлы булырбыз дип саныйбыз.
5. Журнал өчен тәкъдим итү сүзләрен әзерләр алдыннан, без нәрсә эшләргә тиеш?
5 Үзеңнең тәкъдим итү сүзләреңне ничек әзерләргә? Иң беренче, син үзең кешеләргә тәкъдим итәр өчен сайлаган мәкалә белән яхшы итеп танышырга тиеш. Син, бәлки, вәгазьдә журналны куллана башлаганчы, аның бөтен мәкаләләрен һәрвакытта да укып чыгарга өлгермисеңдер. Әмма безнең сайланган мәкалә өчен тәкъдим итү сүзләрендә илһам һәм эчкерсезлек чагылырга тиеш. Без тәкъдим ителәчәк мәкалә белән яхшы итеп танышсак кына, уңышлы булырбыз.
6. Үз тәкъдим итү сүзләребезне ничек әзерли алабыз?
6 Моннан тыш, кереш сүзләреңне әзерләгәндә, күп якларны исәпкә ал. Кеше белән сөйләшүне мәкалә белән бәйле кызыклы сорау кулланып, башлап була. Һәрвакыт Аллаһы Сүзенең куәтенә өметлән: ул кеше йөрәгенә тәэсир итәчәк (Евр. 4:12). Шуңа күрә синең кереш сүзләрең белән бәйле темага Изге Язмалардан тиешле шигырь сайла. Бу шигырь тәкъдим ителәчәк мәкаләдән булса, яхшырак булыр. Бу шигырь мәкалә белән ничек бәйле? Моның турында уйлан.
7. Тәкъдим итү сүзләребезне без ничек яхшырта алабыз?
7 Һәр мөмкинлекне куллан. Тәкъдим итү сүзләре уңышлы булсын өчен, аларны ешрак кулланырга кирәк. Шимбә көнне җыелыш белән бергә журналлар белән вәгазьләргә йөр. Башка басмаларыбызны алган кешеләргә журналны тәкъдим ит. Аны үзеңнең Изге Язмаларны өйрәнүчеләреңә һәм килеп-китүләр ясаганда өйдә булган башка кешеләргә биреп тор. Бәлки, син аларны кибеттә булганда, сәяхәт иткәндә я табибка керер өчен чиратта көтеп торганда үзең белән сөйләшкән кешеләргә калдыра алырсың. Өч ай дәвамында журнал өчен тәкъдим итү сүзләреңне кулланып, аларны яхшырт.
8. «Күзәтү манарасы» журналы кайсы яклардан үзенчә бердәнбер журнал?
8 «Күзәтү манарасы» журналы — үзенчә бердәнбер журнал. Ул Йәһвәне Галәм Хакиме буларак данлый (Рәс. 4:24). Ул Аллаһы Патшалыгы турындагы яхшы хәбәр белән кешеләрне юата һәм аның ярдәмендә кешеләр Гайсә Мәсихкә иман итә башлыйлар (Мат. 24:14; Рәс. 10:43). Өстәвенә, ул Изге Язмалардагы пәйгамбәрлекләрне үтәгән дөньядагы вакыйгаларны күзәтә (Мат. 25:13). Бу журналны үз территориягыздагы кешеләргә һәр мөмкинлекне кулланып тәкъдим ит һәм алардан файда алырга ярдәм ит!
9. Кеше белән сөйләшүне дәвам итәр өчен ничек нигез салырга?
9 Берәрсенә журнал биргәнсең икән яки аның белән дусларча рухи темага сөйләшкәнсең икән, сорау яки уйланырга дәртләндерүче фикер ярдәмендә аның белән сөйләшүне икенче тапкыр дәвам итәр өчен нигез салырга тырыш. Әгәр без ашкынып хакыйкать орлыкларын чәчсәк, Йәһвә чын күңелдән аның белән танышырга һәм аңа хезмәт итәргә теләгән кешеләрнең йөрәкләрен ачачак. Моңа бер дә шикләнмәскә була (1 Көр. 3:6).