Брошюраларыбыз бар кешеләр өчен бастырыла
1. Ышанычлы һәм акыллы хезмәтче сыйныфы рәсүл Паулдан ничек үрнәк ала?
1 Рәсүл Паул бар кешеләрне коткарыр өчен, аларга яхшы хәбәрне сөйләгәндә, төрле ысуллар кулланган. Бүген дә ышанычлы һәм акыллы хезмәтче сыйныфы чыгышлары һәм ышанулары төрле булган кешеләргә яхшы хәбәрне җиткерер өчен брошюраларыбызны куллана (1 Көр. 9:22, 23). Шуңа күрә безгә дә брошюраларыбызны кулланганда, укучыларыбызны исәпкә алырга кирәк.
2. Таратыр өчен брошюраларыбызның бер төре кем өчен бастырыла?
2 Таратыр өчен брошюраларыбызның бер төре, алар татар телендә булмаса да, рәсүл Паул вәгазьләгән «афиналыларга» охшаш кешеләр өчен бастырыла (Рәс. 17:22). Афиналылар христиан динен тотмаган, һәм аларның Изге Язма турында белемнәре әз булган. Брошюраларның өстә искә алынган төренең укучылары да Изге Язмалар турында әз белә я бөтенләй белми дип әйтеп була. Алар, бәлки, мәсихчеләр тәгълиматлары турында бернәрсә белмидер, бернинди динне тотмыйдыр яки Изге Язмаларның файдалы икәненә ышанмыйдыр. Барлык кешеләр өчен бастырылган андый брошюраларның максаты — үз укучыларын чын Аллаһының барлыгына ышандыру. Аларның максаты шулай ук — укучыларына Изге Язмаларга ышанырга һәм Йәһвә Шаһитләренең башка диннәрдән аерылып торганын аңларга булышу.
3. Таратыр өчен һәм өйрәнү өчен брошюраларыбызның укучылары кем?
3 Таратыр өчен брошюраларыбызның башка төрен укыган кешеләр үзләренчә Аллаһыны хөрмәт итә һәм Изге Язмаларны кадерли. Андый кешеләрнең Изге Язмалар турында ниндидер белемнәре бар, әмма алар Аллаһы Сүзенең тәгълиматларын дөрес аңламый. Аларны Паул «Аллаһыга табынучы» дип атаган кешеләр белән чагыштырып була (Рәс. 13:14—16). Безнең шулай ук өйрәнү өчен брошюраларыбыз бар. Алар беренче чиратта Йәһвә Шаһитләре өчен бастырыла. Паул аның хатларын укыган кешеләргә Изге Язма белән таныш булган һәм хакыйкатьне белгән кешеләргә кебек мөрәҗәгать иткән (1 Көр. 1:1, 2). Өйрәнү өчен брошюралардагы мәкаләләрне дә очрашуларыбызга йөри торган һәм Йәһвә Шаһитләре кулланган сүзләр белән таныш булган кешеләр укый.
4. Ни өчен безгә таратыр өчен брошюраларыбызның һәрберсен укып чыгарга кирәк?
4 Кайбер телләрдә таратыр өчен брошюраларның икесен бергә тараталар. Син дә шулай эшлисең икән, һәрбер брошюраны укып чыгарга тырыш. Шулай эшләсәң, син вәгазьдә очрый торган кешеләр белән аларга кызык булган темаларга сөйләшерсең.