Хезмәттә jw.org дигән сайт белән кулланабыз. «Йәһвәнең дусты бул»

Безнең сайтта «Изге Язмалар тәгълиматлары» дигән бүлекчәдә балалар өчен «Йәһвәнең дусты бул» дигән сылтама бар. Бу сылтамада мультфильмнар, җырлар һәм йөкләмәләр бар. Ә син бу сылтаманы хезмәттә кулландыңмы? Син балалы кеше белән Изге Язмаларны өйрәнсәң, бу сылтаманы аңа күрсәт. Күрәсең, аның сайтабыздагы башка мәгълүмат белән танышасы килер.

Бер абый кардәш хатын-кызга «Патшалык турында хәбәр» (№ 38) дигән буклетны биргән һәм хатын-кыз аны шунда ук укый башлаган. Бу буклет хатын-кызның кечкенә балаларының игътибарын җәлеп иткән. Абый кардәш буклетның эчтәлеген карап чыгып соңгы биттәге сайтның адресын күрсәткән. Хатын-кыз кызыксынганга абый кардәш электрон җайланма ярдәмендә аңа һәм аның балаларына Камил турында мультфильм күрсәтергә булган.

Бер апа-кардәшебез үзе белән бергә эшләгән балалы хатын-кызга сайтыбыздагы гаилә өчен мәгълүмат турында сөйләгән. Хатын-кыз балалары белән сайтка кергән. Соңыннан бу хатын-кыз апа-кардәшкә: «Балаларым өйдә „Йәһвәнең дусты бул“ дигән сылтамадагы „Сүзне вәгазьлә“ дип аталган җырны җырлап йөргән»,— дип сөйләгән.

Безнең сайттагы бу сылтама белән таныш һәм үз электрон җайланмаңа мультфильм, җыр я йөкләмәне йөклә. Шул чакта син бу сылтамадагы мәгълүматны хезмәттә куллана алырсың. Бу кыйммәтле корал безгә Хуҗабызга кол кебек хезмәт итәргә ярдәм итәр (Рәс. 20:19).