МӘСИХЧЕ ТОРМЫШЫБЫЗ
Йәһвәне тормышың белән данла!
Тормыш — иң кыйммәтле бүләк. Яшәү рәвеше белән бу бүләкне кадерләгәнебезне күрсәтәбез. Без Йәһвә Шаһитләре һәм талантларыбыз, сәләтләребез белән Тормыш Бирүчене — Йәһвәне данларга телибез (Зб 36:9; Ач 4:11). Әмма тормыш мәшәкатьләре һәм башка нәрсәләр аркасында рухи максатларыбыз икенче урынга күчәргә мөмкин (Мк 4:18, 19). Һәрберебез үзенә мондый сораулар бирсә, яхшы булыр иде: «Мин чыннан да Йәһвәгә иң кыйммәтлесен бирәмме? (Һш 14:2). Эш һәм карьера тормышымда нинди урында тора? Рухи максатларым нинди? Хезмәтемне ничек киңәйтә алам?» Яхшыртырга кирәк якларың бар дип уйласаң, үзгәрешләр ясар өчен Йәһвәдән ярдәм сора. Һәр көнең белән Йәһвәне данласаң, бәхетле һәм чыннан да канәгать була алачагыңа һич шикләнмә! (Зб 61:8)
Син талантларыңны кемгә багышлыйсың?
«ТАЛАНТЫҢНЫ ЙӘҺВӘ ӨЧЕН КУЛЛАН» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:
Ни өчен талантларыңны Шайтан дөньясы өчен куллану акылсыз? (1Ях 2:17)
Йәһвәгә иң яхшысын биргәннәрнең тормышлары ничек үзгәрә?
Син сәләтләреңне һәм талантларыңны хезмәтнең кайсы төрләрендә куллана алыр идең?