Изге Язмаларны өйрәнүчеләр хакында кайгыртабыз
1. а) Бөтен җыелыш нинди эштә катнаша? б) Рухи өйрәтүнең максаты нинди?
1 Хакыйкать белән кызыксынган һәм Изге Язмаларны өйрәнгән кешеләрне өйрәтүдә бөтен җыелыш катнаша. Мәсәлән, Әкүл белән Прискиллә Апуллуска Мәсих турында беренче булып сөйләмәсәләр дә, алар аңа Аллаһының ниятендә Мәсихнең роле турында тулырак белемне җиткергәннәр һәм аны остарак өйрәтергә өйрәткәннәр (Рәс. 18:26). Без дә җыелышыбыздагы өйрәнүчеләрнең төгәл белем алуларын, Йәһвә белән үзара якын мөнәсәбәтләр үстерүен, тормышларында кирәкле үзгәрешләрне ясап, үзләренең өйрәтүчеләр булып китүләрен телибез.
2. а) Ни өчен тәҗрибәле өйрәтүчеләрне Изге Язмалар өйрәнүләренә чакырырга оялмаска кирәк? б) Ничек тыйнак булу тәҗрибәле өйрәтүчеләрдән үрнәк алырга булышачак?
2 Паул Тимутегә өйрәтү осталыгын һәрвакыт яхшыртырга кушкан (1 Тим. 4:16). Беренче гасыр мәсихчеләре кебек, безгә дә тәҗрибәлерәк вәгазьчеләр белән даими хезмәттәшлек итәргә яхшы булыр иде, моның ярдәмендә без алардан киңәшләр сорап, үрнәк ала алырбыз. Шулай ук мәсихче өлкәннәр, пионерлар, башкаларны оста булырга өйрәтүче тәҗрибәле вәгазьчеләр, күчеп йөрүче күзәтчеләр һәм аларның хатыннары зур ярдәм күрсәтә. Андый вәгазьчеләрне үзеңнең өйрәнүләреңә чакырырга курыкма һәм оялма. Мәсәлән, күчеп йөрүче күзәтче җыелышыгызга килгәндә, аны яки аның хатынын үзеңнең өйрәнүеңә чакырыр өчен, үз эшләреңне оештыра алмассыңмы? Бу өйрәнүчеңә дә, үзеңә дә зур фатиха булыр (Көл. 4:11). Тыйнак булу сиңа шуны танырга булышачак: яңаларны өйрәтүдә бөтен җыелыш катнаша.
3. Тәҗрибәле вәгазьчеләр белән хезмәттәшлек итүдән нәрсәгә өйрәнә аласың?
3 Алдан яхшы әзерләнеп, тәҗрибәле вәгазьчеләр өйрәнүне үзләре үткәрә алыр. Аларның моны ничек эшләгәннәрен игътибар белән күзәт. Изге Язмалар нигезендә ничек фикер алышырга? (Рәс. 17:2) Кирәкмәгән җентеклелекләргә бирелмичә, төп Изге Язмалар тәгълиматларын ничек аңлаешлы һәм гади итеп җиткерергә? Ниндирәк өстәмә сораулар өйрәнүчене уйланырга, үзенең мотивлары белән хисләрен тикшереп чыгарга һәм Изге Язмалар принципларын тормышында кулланырга этәрә? Өйрәнүне син үткәрсәң, өйрәнү тәмамлангач, тәҗрибәле хезмәттәшеңнән сора: нинди яктан син өйрәтү сәләтеңне яхшырта аласың? (w02-U 15.7 27 б.)
4. Яхшы укытучылар булыр өчен нәрсә эшләрәгә?
4 2004—2005 елларны «Безнең Патшалык хезмәте»бездә «Изге Язмаларны өйрәнүчеләребезгә рухи яктан үсәргә ярдәм итәбез» (рус) исемле 12 мәкалә бастырылган иде. Анда күп кыйммәтле киңәшләр бирелгән. Бу киңәшләрне тикшереп чыгып һәм аларны кулланып, без Йәһвәне данлап, күп җимешләр китерәчәкбез (Яхъя 15:8).