МӘСИХЧЕ ТОРМЫШЫБЫЗ
«Мәңге шатланып яшәгез!» китабының файдалы яклары
Сезгә «Мәңге шатланып яшәгез!» китабы буенча өйрәнүләр үткәрү ошыймы? Андагы видеолар, фикер буенча сораулар һәм «Кайберәүләр», «Максат», «Өстәмә материал» дигән рамкалар өйрәтүдә ярдәм итәме? Бу китап сезгә тагын кайсы яклары белән ошый? (Мт 28:19, 20)
Медиаматериал. Өйрәнүне бастырылган китап буенча үткәрсәгез, бар видеоларны һәм башка материалны ничек җиңел генә табып була? Моның өчен электрон басмада дүрт кисәкнең берсен сайлагыз һәм, иң аска төшеп, бу кисәк өчен медиаматериалны ачыгыз (1 нче рәсемне кара).
«Рәсем» («Изображение») форматы. Өйрәнүне электрон басма буенча үткәрсәгез, сез, бәлки, вакыт-вакыт «Рәсем» форматын кулланырга булырсыз. Моның өчен, дәресне ачып, экранның өске уң почмагындагы өч ноктага басыгыз һәм «Рәсем» дигәнне сайлагыз. Бу форматта сез дәреснең пунктлары төп теманы ничек ачыклый икәнен җиңел генә күрерсез. Электрон форматка кире кайтыр өчен, кабат өч ноктага басып, «Текст» форматын сайлагыз.
«Мин әзерме?» Дүртенче кисәктән соң китерелгән бу ике рамкада кеше, җыелыш белән вәгазьдә катнаша һәм суга чумдырыла алсын өчен, нинди таләпләргә туры килергә тиеш икәнлеге язылган (2 нче рәсемне кара).
Аңлатмалар. Бу бүлекчәдә мөһим сорауларны аңлатучы өстәмә материал китерелә. Электрон форматта һәрбер аңлатманың ахырында өйрәнгән дәрескә кире кайтыр өчен сылтама бар (2 нче рәсемне кара).
Рухи яктан үскән өйрәнүче белән, ул хәтта суга чумдырылса да, «Мәңге шатланып яшәгез!» китабын ахырга кадәр үтәргә тырышыгыз. Суга чумдырылган кеше белән өйрәнү үткәрелгәндә дә, вакыт, кабат килеп китү һәм өйрәнү отчетка кертелә. Моны өйрәнү үткәрүче дә, аның белән килгән икенче вәгазьче дә эшли ала.