Өйрәнүгә кагылышлы киңәшләр

Мөһимрәк нәрсәләрдән башлагыз

Безнең барыбызның да шәхси өйрәнү үткәрер өчен вакытыбыз кысан. Бу вакытны ничек акыллырак кулланырга? Беренчедән, ашыкмаска кирәк. Күп мәгълүматны ашык-пошык карап чыкканчы, азрак материалны тирәнтен тикшерү күпкә күбрәк файда китерер.

Икенчедән, нәрсә мөһимрәк икәнен билгеләгез (Эфес. 5:15, 16). Менә кайбер киңәшләр:

• Изге Язмаларны һәркөн укыгыз (Зәб. 1:2). Мәсәлән, атна уртасындагы очрашуларда өйрәнелә торган Изге Язмалардагы бүлекләрдән башлап була.

• Ял көннәрендәге һәм атна уртасындагы очрашуларга әзерләнегез. Комментарий әзерләгез (Зәб. 22:22).

• Вакытыгыз булса, яңа чыккан материаллар белән танышыгыз. Таратыр өчен басмаларны һәм сайтыбызда чыккан мәкаләләрне укыгыз. Шулай ук видеоларны карагыз.

• Әйтик, сез берәр авырлыкны ничек чишәргә икәнен белергә телисез, я сезне берәр сорау борчый, я Изге Язмалардагы берәр теманы яхшырак өйрәнергә телисез, ди. Үзегезгә кызыклы булган материалны өйрәнегез. Өстәвенә, сайтыбыздагы «Изге Язмалар нигезендә йөкләмә» дигән рубрикадагы мәкаләләрне карап була.