Изге Язмаларны һәр көн укырга булышкан киңәшләр

Эшләрегез күп булганга, сезгә Аллаһы Сүзен уку авыр биреләме? (Йош. 1:8) Шулай булса, астагы киңәшләрнең берсен кулланып карагыз.

• Онытмас өчен чаралар күрегез. Электрон җайланмагызны Изге Язмаларны укырга искә төшерсен өчен көйләгез.

• Изге Язмаларны күренерлек урынга куегыз. Бастырылган Изге Язмаларны укыйсыз икән, аны һәр көн күрерлек урынга куегыз (Кан. 11:18).

• Аудиоязмаларны тыңлагыз. Изге Язмаларның аудиосын көндәлек эшләрне башкарганда тыңлагыз. Төнге сменада эшләүче Тара исемле пионер һәм әни болай ди: «Өйдәге эшләрне үтәгәндә мин Изге Язмаларның аудиосын тыңлыйм. Шулай эшләп мин Аллаһы Сүзен һәр көн укый алам».

• Бирешмәгез. Көтелмәгән хәл планнарыгызны бозса, йокларга ятар алдыннан берничә шигырьне булса да укыгыз. Һәр көн бераз уку да сезгә файда китерер (1 Пет. 2:2).