• Яхъя. Аңлатмалар. 18 нче бүлек
    Изге Язмалар. Яңа дөнья тәрҗемәсе (өйрәнү басмасы)

    • 18:12

      гаскәр башлыгы: Монда кулланылган грек төшенчәсе хили́архос (хилиарх) сүзгә-сүз «мең башлыгы», ягъни мең гаскәринең башлыгы, дигәнне аңлата. Бу трибун дип аталган римлыларның гаскәр башлыгы булган. Һәр Рим легионында алты трибун булган. Әмма легион алты төрле хәрби частька бүленмәгән, ә һәр трибун чиратлашып бөтен легион белән җитәкчелек иткән. Андый гаскәр башлыгының зур вәкаләте, шул исәптән йөзбашлары сайлап билгеләргә хокукы булган. Бу грек сүзе шулай ук гомумән югары дәрәҗәле хәрби башлыкны белдерергә мөмкин. Гайсәне кулга алган гаскәриләр белән бергә римлыларның бер гаскәр башлыгы булган.

      яһүдләрнең: Күрәсең, яһүдләрнең хакимият кешеләрен яки дини җитәкчеләрен аңлата. (Ях 7:1 гә аңлатманы кара.)