Беренче Елъязма
28 Давыт Исраилнең барлык җитәкчеләрен: кабилә башлыкларын, патшага хезмәт иткән отряд башлыкларын,+ меңбашларын, йөзбашларын,+ патшаның һәм аның улларының+ мал-мөлкәте белән көтүләре өчен җаваплы җитәкчеләрне,+ шулай ук сарай түрәләрен, бөтен гайрәтле һәм сәләтле кешеләрне+ Иерусалимга җыйды. 2 Шунда Давыт патша торып басты да болай диде:
«Кардәшләрем, халкым минем, мине тыңлагыз әле! Минем күңелемдә Йәһвәнең килешүе сандыгы өчен Аллаһыбызның аяк асты булып торачак йорт төзү теләге бар иде,+ һәм мин төзелеш өчен күпне әзерләдем.+ 3 Әмма Аллаһы миңа: „Син минем исемем хөрмәтенә йорт төземәячәксең,+ чөнки син сугыш кешесе, син күп кан койдың“+,— диде. 4 Шулай да Исраи́л Аллаһысы Йәһвә, мин Исраилдә мәңге патша булсын өчен, атам йортындагыларның һәммәсеннән мине сайлап алды.+ Мине бөтен Исраил өстеннән патша итеп билгеләр өчен, ул җитәкче итеп Яһүдне сайлады+ һәм Яһүд йорты — атам йорты арасыннан,+ атамның уллары арасыннан мине хуп күрде.+ 5 Йәһвә мине күп угыллар белән фатихалады, әмма бөтен улларым арасыннан+ ул, Йәһвә патшалыгының тәхетендә утырып, Исраил өстеннән идарә итсен дип,+ улым Сөләйманны сайлады.+
6 Ул миңа болай диде: „Минем өчен йортны һәм ишегалларын улың Сөләйман төзиячәк, чөнки мин аны үз улым иттем, мин аңа ата булачакмын.+ 7 Ул минем боерыкларымны һәм хөкемнәремне хәзергедәй тәвәккәллек белән үтәсә,+ мин аның патшалыгын мәңгегә нык урнаштырырмын“.+ 8 Шунлыктан бөтен Исраил — Йәһвә җыелышы алдында һәм Аллаһыбыз хозурында әйтәсе сүзем шул: Аллаһыгыз Йәһвәнең бөтен боерыкларын тикшереп өйрәнсәгез һәм аларны җиренә җиткереп үтәсәгез, сез шушы бәрәкәтле җирдә калырсыз+ һәм аны улларыгызга мәңгелек мирас итеп тапшыра алырсыз.
9 Сөләйман, улым, сиңа исә сүзем шул: әтиеңнең Аллаһысын бел һәм аңа бербөтен* йөрәк белән,+ җан-тән белән* хезмәт ит, чөнки Йәһвә бар йөрәкләрне тикшерә+ һәм бөтен уй-теләкләрне белеп ала.+ Аны эзләсәң, табарсың.+ Аны калдырсаң, ул сине мәңгегә кире кагар.+ 10 Онытма, изге урын булачак йортны төзү өчен Йәһвә сине сайлады. Кыю бул һәм эшне башла!»
11 Шуннан соң Давыт үзенең улы Сөләйманга гыйбадәтханә өйалдысының,+ аның бөтен бүлмәләренең, келәтләренең, өске бүлмәләренең, түр бүлмәләренең һәм йолып татулаштыру бүлмәсенең*+ сызымнарын бирде.+ 12 Ул аңа Аллаһы рухы тарафыннан бирелгән бөтен нәрсәләрнең: Йәһвә йорты ишегалларының,+ аның тирәли булырга тиешле бөтен аш бүлмәләренең, Аллаһы йорты хәзинәләренең һәм изгеләндерелгән* әйберләр хәзинәләренең+ сызымнарын бирде. 13 Ул аңа шулай ук руханиларның+ һәм ле́вилеләрнең төркемнәре турында, Йәһвә йортында гыйбадәт кылу белән бәйле вазифалар һәм Йәһвә йортындагы хезмәт өчен билгеләнгән барлык әйберләр турында күрсәтмәләр бирде. 14 Ул шулай ук алтынның (хезмәттә кулланылган бөтен алтын әйберләрнең) һәм көмешнең (хезмәттә кулланылган бөтен көмеш әйберләрнең) авырлыгын, 15 төрле алтын шәмдәлләр+ белән алтын яктырткычларын һәм төрле көмеш шәмдәлләр белән көмеш яктырткычларын ясау өчен алтын-көмешнең авырлыгын, 16 багышланган икмәкләр өчен өстәлләрне+ — һәрбер өстәлне ясау өчен алтынның авырлыгын, шулай ук көмеш өстәлләрне ясау өчен көмешнең авырлыгын, 17 саф алтыннан чәнечкеләр, табаклар, чүлмәкләр һәм кечкенә алтын касәләр+ — һәрбер касәне ясау өчен алтынның авырлыгын, кечкенә көмеш касәләр — һәрбер касәне ясау өчен көмешнең авырлыгын билгеләде. 18 Ул шулай ук фимиам яндыру мәзбәхен+ ясау өчен һәм Аллаһының арбасын+ сурәтләгән нәрсәне, ягъни канатларын җәеп, Йәһвәнең килешүе сандыгын ышыклап торган алтын керубимнәрне,+ ясау өчен сафландырылган алтынның авырлыгын билгеләде. 19 Давыт әйтте: «Йәһвә минем белән иде. Ул миңа, сызымнарны+ бөтен нечкәлекләренә кадәр ясап-нитеп куяр өчен,+ аң-зиһен бирде».
20 Аннары Давыт үзенең улы Сөләйманга болай диде: «Улым, кыю һәм нык бул! Эшкә тотын. Бер дә курыкма, чөнки Йәһвә Аллаһы, минем Аллаһым, синең белән.+ Ул сине калдырмас, ташлап китмәс.+ Йәһвә синең белән булыр һәм сиңа үз йорты белән бәйле бөтен эшләрне тәмамларга булышыр. 21 Менә Аллаһы йортында төрле хезмәттә катнашачак руханилар+ белән ле́вилеләрнең+ төркемнәре. Синең шулай ук төрле эшне үтәргә әзер булган оста эшчеләрең,+ бөтен күрсәтмәләреңне үтәячәк җитәкчеләр+ дә, халык та бар».