Җырларның җыры

7 «Сандал кигән төз аякларың шундый матур,

И гыйззәтле* кыз!

Нәзакәтле аякларың һөнәрче куллары ясаган

Затлы бизәкләр сыман.

2 Кендегең синең касәдәй түгәрәк,

Тәмләтелгән шәраб анда һич бетмәсен иде.

Эчең лаләләр белән уратылган

Бодай өеме шикелле.

3 Ике күкрәгең газәлнең ике баласы,

Игезәк баласы күк.+

4 Муеның+ фил сөягеннән ясалган манара төсле,+

Күзләрең+ Батрабби́м капкасы янындагы

Хишбу́н+ суларыдай.

Борының Дәмәшекъкә карап торган

Лива́н манарасы кебек.

5 Башың синең, әйтерсең лә, Карми́л тавы,+

Чәч бөдрәләрең+ кызгылт-шәмәхә йон шикелле.+

6 Әй сөйгән кызкаем,

Бөтен хозурлы нәрсәләрдән дә матуррак, күркәмрәк син!

7 Синең буй-сының финик пальмасыдай,

Күкрәкләрең финик тәлгәшләредәй.+

8 Мин үземә: „Финик пальмасына менеп,

Аның тәлгәшләрен өзеп алыйм“,— дидем.

Күкрәкләрең йөзем тәлгәшләредәй,

Сулышың алманың хуш исе кебек,

9 Ә иреннәрең* иң яхшы шәрабтай булсын».

«Ул кадерле егетем өчен салмак кына аксын,

Йокыга талганнарның иреннәрен йомшак кына иркәләсен.

10 Мин — кадерлемнеке,+

Аның күңеле миңа тартыла.

11 Килче, кадерлем минем,

Әйдә, кырларга чыгыйк,

Кына үсемлекләре арасына ышыкланыйк.+

12 Иртә торып йөзем бакчасына барыйк,

Карап килик: йөзем агачлары үсентеләр җибәрмәгәнме икән?*

13 Мандрагораларның*+ хуш исе аңкып тора,

Ишекләребез алдында төрле-төрле тәмле җимешләр бар:+