Iosua

15 A te laukele ne tuku* atu+ ki te matakāiga o Iuta mo olotou kāiga e oko atu eiloa ki te tuakoi o Etoma,+ te koga lavaki o Siina, ke oko ki te Nekepi i tena feitu ki saute. 2 A te lotou tuakoi i te feitu ki saute e vau mai te fakaotiga o te Tai ‵Kona,*+ mai te pikoga telā e saga ki saute. 3 Kae tele atu ki saute ki te fanakaga i Akalapima,+ ke oko atu ki Siina, ko fanaka ei mai saute ki Katesa-panea,+ ke oko atu ki Eselona, ki Atala, ko fano fakatamilo ei ki Kalaka. 4 Ko tele atu ei ki Asamona+ ke oko atu ki te Vanu* o Aikupito,+ kae gata te tuakoi i te Tai.* Tenei te lotou tuakoi i te feitu ki saute.

5 A te tuakoi i te feitu ki saegala ko te Tai ‵Kona* ke oko atu ki te mata o te Iolitana, kae ko te tuakoi i te ‵kōna ki mātū ko te pikoga o te tai, i te mata o te Iolitana.+ 6 E oko atu a te tuakoi ki Peta-hokala+ o fanatu ki te feitu ki mātū o Peta-alapa,+ kae tele aka te tuakoi ki luga i te fatu o Pohana+ te tama tagata a Leupena. 7 Ne tele aka te tuakoi ki luga i Tipeli i te Vanu* o Akoa+ ko mafuli ei ki mātū ki Kilikala,+ telā e tu i te feitu ki mua o te fanakaga ki Atumima, i te feitu ki saute o te vanu, ko tele atu ei te tuakoi ki loto i vai o Enesemese,+ kae gata i Enelokelo.+ 8 E tele aka te tuakoi ki te Vanu o te Tama tagata a Hinomo+ ke oko atu ki te ‵sifoga o tino Iepuse+ i te feitu ki saute, telā ko Ielusalema,+ kae toe tele aka te tuakoi ki te taulu o te mauga telā e fakasaga ki te Vanu o Hinomo i te feitu ki togala, telā e tu i te mata o te Vanu* o Lefaima i te feitu ki mātū. 9 Kae ne fakamailoga te tuakoi mai te taulu o te mauga ke oko eiloa ki vaipuna o vai o Nefatoa,+ ke oko atu ki fakai o te Mauga o Efelona; kae ne fakamailoga foki te tuakoi ke oko atu ki Paalā, telā ko Kiliata-iealima.+ 10 Ne tele fakatamilo te tuakoi mai Paalā o fano ki te feitu ki togala ki te Mauga o Seila ko fanatu ei ki te ‵sifoga o te Mauga o Iealima i te feitu ki mātū, telā ko Tasalona, ko fanaifo ei ki Peta-semese+ kae tele atu ki Timenata.+ 11 Ne oko atu a te tuakoi ki te ‵sifoga o Ekelona+ i te feitu ki mātū, kae ne fakamailoga te tuakoi ke oko ki Sikelona kae tele atu ki te Mauga o Paalā ko toe fanatu ei ki Iamania, ko gata ei te tuakoi i te tai.

12 A te tuakoi i te feitu ki togala ko te Tai Lasi*+ mo tena tafatai. Tenei te tuakoi i feitu katoa o tino kolā ne ‵tupu mai i a Iuta e ‵tusa mo olotou kāiga.

13 Kae ne tuku atu ne ia ki a Kalepo+ te tama tagata a Iefune tena tusaga mai i tino kolā ne ‵tupu mai i a Iuta e ‵tusa mo te fakatonuga a Ieova ki a Iosua, ko Kiliata-alapa, (Alapa ko te tamana o Anaki) telā ko Hepelona.+ 14 Ne afuli kea‵tea ne Kalepo mai i konā a tama tāgata e tokotolu a Anaki:+ ko Sesai, Aimanu, Talamai,+ ko tino ne ‵tupu mai i a Anaki. 15 Tenā ne fanaka ei a ia mai konā o taua atu ki tino e ‵nofo i Tipeli.+ (A te igoa muamua o Tipeli ko Kiliata-sefelo.) 16 Kae ne fai atu a Kalepo: “A te tagata e fakatakavale ne ia a Kiliata-sefelo kae puke ne ia, ka tuku atu ne au ki ei a taku tama fafine ko Akesa mo fai tena avaga.” 17 Kae ko Otinielu+ te tama tagata a Kenasa,+ te taina o Kalepo, ne fakatakavale ne ia te fakai tenā. Tenā ne tuku atu ei ne Kalepo ki a ia tena tama fafine ko Akesa+ mo fai tena avaga. 18 Kae i te auala o tou fafine ki te fale, ne fakamalosi atu a ia ki tena avaga ke fakamolemole atu ki tena tamana ke tuku mai se laukele mō lāua. Tenā ne tu ifo ei a ia ki lalo mo tena asini.* Ne fesili atu a Kalepo ki tou fafine: “Se a te mea e manako koe ki ei?”+ 19 Muna a tou fafine: “Fakamolemole fakamanuia mai au, ko oti ne tuku mai ne koe se laukele mō oku i te feitu ki saute;* tuku mai aka foki ki a au a Kulota-maima.”* Tenā ne tuku atu ei ne Kalepo ki tou fafine a Kulota i Luga mo Kulota i Lalo.

20 Tenei te tofi o te matakāiga o Iuta e ‵tusa mo olotou kāiga.

21 A fakai o te matakāiga o Iuta kolā e tafa eiloa ki te tuakoi o Etoma+ i saute ko Kapaseele, Eta, Iakuli, 22 Kina, Timoni, Atata, 23 Ketesa, Hasola, Itanani, 24 Sifo, Telema, Pealota, 25 Hasola-hatata, mo Keliota-heselona telā ko Hasola, 26 Amama, Sema, Molata,+ 27 Hasala-kata, Hasemoni, Petepelete,+ 28 Hasalasualo, Pelesepa,+ Pisiotia, 29 Paalā, Ima, Esema, 30 Elitolita, Kesila, Holema,+ 31 Sikilaka,+ Matamana, Sanisana, 32 Lepaota, Seleimi, Aino mo Limoni+​—e ‵tusa mo te 29 te aofaki o fakai fakatasi mo olotou koga ‵nofo.

33 I te Sefila,*+ ko Esetaolo, Sola,+ Asenaa, 34 Sanoa, Eganima, Tapua, Enamo, 35 Ialamuta, Atulama,+ Soko, Aseka,+ 36 Salaima,+ Atitaima mo Ketelaha mo Ketelotaima*​—e 14 a fakai mo olotou koga ‵nofo.

37 Senanu, Hatasa, Mikitalakata, 38 Tileana, Mesepa, Iokoteli, 39 Lakisa,+ Posikata, Ekeloni, 40 Kapono, Lamamu, Kitelisi, 41 Ketelota, Peta-takono, Naama mo Maketa+​—e 16 a fakai mo olotou koga ‵nofo.

42 Lipina,+ Etela, Asani,+ 43 Ifita, Asenaa, Nesipa, 44 Keila, Akasipa mo Malesa​—e iva a fakai mo olotou koga ‵nofo.

45 Ekelona mo ana fakai fo‵liki* mo ana koga ‵nofo; 46 mai Ekelona ki te feitu ki togala mo mea katoa i tafa o Asetota mo olotou koga ‵nofo.

47 Asetota+ mo ana fakai fo‵liki mo ana koga ‵nofo; Kasa+ mo ana fakai fo‵liki mo ana koga ‵nofo, ke oko ifo ki te Vanu o Aikupito, te Tai Lasi,* mo kogā koga i ana tafa.+

48 Kae i koga maugā ko Samila, Iatila,+ Soko, 49 Tana, Kiliata-sana telā ko Tipeli, 50 Anapa, Esitemoa,+ Anima, 51 Kosena,+ Holono mo Kilo+​—e 11 a fakai mo olotou koga ‵nofo.

52 Alapi, Tuma, Esana, 53 Ianima, Peta-tapua, Afekaa, 54 Humata, Kiliata-alapa telā ko Hepelona,+ mo Siole​—e iva a fakai mo olotou koga ‵nofo.

55 Maono,+ Kalamelu, Sifo,+ Iutā, 56 Ieseleelu, Iokoteamo, Sanoa, 57 Keni, Kipea mo Timenata+​—e sefulu a fakai mo olotou koga ‵nofo.

58 Halulo, Petesula, Ketoa, 59 Maalata, Petanoa mo Eletekono​—e ono a fakai mo olotou koga ‵nofo.

60 Kiliata-paala telā ko Kiliata-iealima+ mo Lāpa​—e lua a fakai mo lā koga ‵nofo.

61 I te koga lavaki ko Peta-alapa,+ Mitini, Sekaka, 62 Nipisana, te Fakai o Masima mo Eneketi+​—e ono a fakai mo olotou koga ‵nofo.

63 Kae pelā mo tino Iepuse+ kolā e ‵nofo i Ielusalema,+ ne seki mafai o afuli ne tāgata Iuta a latou kea‵tea.+ Tela la, ne ‵nofo eiloa a tino Iepuse fakatasi mo tino Iuta i Ielusalema ke oko mai ki te aso nei.