Iosua
16 A te laukele telā ne tuku atu ki tino ne ‵tupu mai i a Iosefa+ e auala i te faiga o se vili,+ e vau mai te Iolitana i Ieliko ke oko eiloa ki vai i te feitu ki saegala o Ieliko, ko fano ei i loto i te koga lavaki o fanaka mai i Ieliko ki luga i koga maugā o Peteli.+ 2 E fanatu mai Peteli telā i Lusā o fano eiloa ki te tuakoi o tino Alaki i Atalota, 3 tenā ko tele ifo ei ki te feitu ki togala ke oko ki te tuakoi o tino Iafelete ke oko atu foki ki te tuakoi o Peta-holono+ i Lalo mo Kesela,+ kae gata i te tai.
4 Ne puke ne tama a Iosefa+ ko Manase mo Efalaima a te laukele o lāua.+ 5 A te tuakoi o tino kolā ne ‵tupu mai i a Efalaima e ‵tusa mo olotou kāiga e fano penei: A te tuakoi o te lotou tofi mai te feitu ki saegala e vau mai Atalota-ata+ ke oko atu ki Peta-holono i Luga,+ 6 kae e oko atu eiloa a te tuakoi ki te tai. A Mikimetata+ e tu ki mātū, kae ko te tuakoi e tele ki te feitu ki saegala ki Tanata-sailoa, kae fanatu eiloa i te feitu ki saegala ke oko ki Ianoa. 7 Tenā ko fanaifo ei mai i Ianoa ki Atalota mo Naala ke oko ki Ieliko+ ko fanatu ei ki te Iolitana. 8 Mai Tapua+ ko tele atu ei te tuakoi ki te feitu ki togala ki te Vanu o Kanaha, kae gata i te tai.+ Tenei te tofi o te matakāiga o Efalaima e ‵tusa mo olotou kāiga; 9 ne isi foki ne fakai o tino ne ‵tupu mai i a Efalaima i loto i te tofi o Manase,+ ko fakai katoa mo olotou koga ‵nofo.
10 Kae ne seki afuli kea‵tea ne latou a tino Kanana kolā ne ‵nofo i Kesela,+ kae ne ‵nofo eiloa a tino Kanana fakatasi mo tino Efalaima ke oko mai ki te aso nei,+ kae ne fakapologa ne latou ki galuega ‵mafa.+