Iosua

21 Ne olo atu a ulu o kāiga o tino Levi i olotou tamana ki a Eleasalo+ te faitaulaga, Iosua te tama a Nuno, mo ulu o kāiga o matakāiga o Isalaelu i olotou tamana, 2 kae fai atu ki a latou i Sailo+ i te fenua o Kanana, olotou muna: “A Ieova ne fakatonu mai e auala i a Mose ke tuku mai ki a matou ne fakai ke ‵nofo matou i ei, fakatasi mo laukele moukuā ma omotou lafu manu.”+ 3 Tela la, e auala i te fakatonuga a Ieova, ne avatu ei ne tino Isalaelu ki tino Levi a fakai+ konei mo olotou laukele moukuā mai i olotou tofi.+

4 Ne tu te vili ki te kāiga o tino Koate,+ kae ko tino Levi kolā ne ‵tupu mai i a Alona te faitaulaga ne tuku atu ki a latou e auala i te faiga o se vili a fakai e 13 mai te matakāiga o Iuta,+ te matakāiga o Simeona,+ mo te matakāiga o Peniamina.+

5 Kae ko te ‵toega o tino Koate, ne tuku atu ki a latou a fakai e sefulu mai i kāiga o te matakāiga o Efalaima,+ te matakāiga o Tanu, mo te āfa o te matakāiga o Manase.+

6 Kae ko tino Kelesona,+ ne tuku atu ki a latou a fakai e 13 mai i kāiga o te matakāiga o Isakala, te matakāiga o Asela, te matakāiga o Nafatali, mo te āfa o te matakāiga o Manase i Pasana.+

7 Ne maua ne tino Melali+ e ‵tusa mo olotou kāiga a fakai e 12 mai i te matakāiga o Leupena, te matakāiga o Kato mo te matakāiga o Sepulona.+

8 Ne tuku atu ne tino Isalaelu ki tino Levi a fakai konei mo olotou laukele moukuā e auala i te faiga o se vili, e ‵tusa eiloa mo te fakatonuga a Ieova e auala i a Mose.+

9 Mai te matakāiga o Iuta mo te matakāiga o Simeona, ne avatu ne latou a fakai konei e ‵tusa mo olotou igoa,+ 10 kae ne tuku atu a mea konā ki tama tāgata a Alona mai i kāiga o tino Koate kolā ne tino Levi, me ne maua ne latou te vaega muamua. 11 Ne avatu ki a latou a Kiliata-alapa+ (Alapa ko te tamana o Anaki), telā ko Hepelona,+ i te koga maugā o Iuta, mo laukele moukuā i ana tafa. 12 Kae ko te malae o te fakai mo ana koga ‵nofo ne tuku atu ne latou ki a Kalepo te tama tagata a Iefune ke fai mō ia.+

13 Kae ko tama tāgata a Alona te faitaulaga, ne tuku atu ne latou a te fakai faka‵lafi mō te tino ne mate ei te suā tino,+ telā e fakaigoa ki a Hepelona,+ mo ana laukele moukuā, e pelā foki mo Lipina+ mo ana laukele moukuā, 14 Iatila+ mo ana laukele moukuā, Esetemoa+ mo ana laukele moukuā, 15 Holono+ mo ana laukele moukuā, Tipeli+ mo ana laukele moukuā, 16 Aino+ mo ana laukele moukuā, Iutā+ mo ana laukele moukuā mo Peta-semese mo ana laukele moukuā​—e iva a fakai mai matakāiga e lua konei.

17 Kae mai te matakāiga o Peniamina: ko Kipeona+ mo ana laukele moukuā, Kepa mo ana laukele moukuā,+ 18 Anatota+ mo ana laukele moukuā, Alamoni mo ana laukele moukuā​—e fa a fakai.

19 A fakai katoa kolā ne tuku atu ki tino ne ‵tupu mai i a Alona, ko faitaulaga, e 13 a fakai mo olotou laukele moukuā.+

20 Kae ne tuku atu ki te ‵toega o kāiga o tino Koate mai tino Levi a fakai mai te matakāiga o Efalaima, e auala i te faiga o se vili. 21 Ne tuku atu ki a latou a te fakai faka‵lafi mō te tino ne mate ei te suā tino,+ telā e fakaigoa ki a Sekema+ mo ana laukele moukuā i te koga maugā o Efalaima, Kesela+ mo ana laukele moukuā, 22 Kipisaima mo ana laukele moukuā, mo Peta-holono+ mo ana laukele moukuā​—e fa a fakai.

23 Kae mai te matakāiga o Tanu: ko Eleteke mo ana laukele moukuā, Kipetoni mo ana laukele moukuā, 24 Aitialona+ mo ana laukele moukuā, Katalimoni mo ana laukele moukuā​—e fa a fakai.

25 Kae mai te āfa o te matakāiga o Manase: ko Tanaka+ mo ana laukele moukuā mo Katalimoni mo ana laukele moukuā​—e lua a fakai.

26 A fakai katoa fakatasi mo olotou laukele moukuā kolā ne maua ne te ‵toega o kāiga o tino Koate e sefulu.

27 Kae ko tino Kelesona+ mai kāiga o tino Levi ne maua ne latou mai te āfa o te matakāiga o Manase te fakai faka‵lafi mō te tino telā ne mate ei te suā tino, telā e fakaigoa ki a Kolana,+ i Pasana, mo ana laukele moukuā, mo Pesetela mo ana laukele moukuā​—e lua a fakai.

28 Kae mai te matakāiga o Isakala:+ ko Kisiona mo ana laukele moukuā, Tapelata+ mo ana laukele moukuā, 29 Ialamuta mo ana laukele moukuā, mo Eganima mo ana laukele moukuā​—e fa a fakai.

30 Kae mai te matakāiga o Asela:+ ko Misala mo ana laukele moukuā, Apatonu mo ana laukele moukuā, 31 Helekata+ mo ana laukele moukuā, mo Lehopa+ mo ana laukele moukuā​—e fa a fakai.

32 Kae mai te matakāiga o Nafatali: ko te fakai faka‵lafi+ mō te tino ne mate ei te suā tino, telā e fakaigoa ki a Ketesa+ i Kalilaia mo ana laukele moukuā, Hamota-toa mo ana laukele moukuā, Katana mo ana laukele moukuā​—e tolu a fakai.

33 A fakai katoa o tino Kelesona e ‵tusa eiloa mo olotou kāiga e 13 a fakai mo olotou laukele moukuā.

34 Kae ko kāiga o tino Melali,+ te ‵toega o tino Levi, ne maua ne latou mai te matakāiga o Sepulona:+ a Iokeneamo+ mo ana laukele moukuā, Kalata mo ana laukele moukuā, 35 Timina mo ana laukele moukuā, mo Nalala+ mo ana laukele moukuā​—e fa a fakai.

36 Kae mai te matakāiga o Leupena: ko Pesela+ mo ana laukele moukuā, Iasa mo ana laukele moukuā,+ 37 Katemota mo ana laukele moukuā, mo Mefata mo ana laukele moukuā​—e fa a fakai.

38 Kae mai te matakāiga o Kato:+ ko te fakai faka‵lafi mō te tino ne mate ei te suā tino, telā e fakaigoa ki a Lamota i Kileata+ mo ana laukele moukuā, Manaima+ mo ana laukele moukuā, 39 Hesepono+ mo ana laukele moukuā, mo Iaseli+ mo ana laukele moukuā​—a te aofaki kātoa o fakai i ei e fa.

40 A fakai katoa kolā ne tuku atu ki tino Melali e ‵tusa mo olotou kāiga, ko te ‵toega o kāiga o tino Levi, e 12 a fakai.

41 A fakai katoa o tino Levi ne maua mai i tofi o tino Isalaelu e 48 a fakai fakatasi mo olotou laukele moukuā.+ 42 A fakai takitasi konei e isi ne olotou laukele moukuā i olotou tafatafa​—e penā foki a nisi fakai aka katoa.

43 Tenā ne tuku atu ei ne Ieova ki Isalaelu a fakai katoa ne tauto a ia ke tuku atu ki olotou tupuga,+ kae ne puke ne latou kae ‵nofo i ei.+ 44 E se gata i ei, ne fai ne Ieova ke malō‵lo latou i feitu katoa, e pelā eiloa mo tena tautoga ne fai ki olotou tupuga,+ kae e seai eiloa se fili e tokotasi o latou ne mafai o ‵teke atu ki a latou.+ Ne tuku atu ne Ieova olotou fili katoa ki olotou lima.+ 45 E seai eiloa se tautoga* mai tautoga ‵lei katoa ne fai ne Ieova mo tino Isalaelu ne seki fakataunu; ne fakataunu eiloa a tautoga katoa konā.+