MATAUPU MŌ SUKESUKEGA

MATAUPU MŌ SUKESUKEGA

▪ Fakataunu a Tou Tiute e Pelā me se Tino Talai

Se a te uiga ke fai pelā me se tino talai? E tali ne te mataupu tenei a te fesili tenā kae fakaasi mai i ei te pogai e manakogina ei ne tino a te tala ‵lei. E fakamatala mai foki i ei a te auala e mafai ei o manuia tatou i te fakataunuga o ‵tou tiute e pelā me ne tino talai.

▪ E Mata, “e Loto Finafinau [Koe] o Fai a Galuega ‵Lei”?

E faipati a te mataupu tenei ki auala e lua e mafai ei o tosina mai a loto o tino ki te Atua ona ko ‵tou “loto finafinau o fai a galuega ‵lei.” (Tito 2:14) A te auala e tasi ko te ‵tou galuega talai. A te suā auala ko ‵tou amioga ‵lei.

▪ Fakamalosi a Tou Olaga Avaga e Auala i Fesokotakiga ‵Lei

▪ Mātua, Tamaliki​—Ke Fesokotaki i te Alofa

A fesokotakiga ‵lei se mea e manakogina ko te mea ke maua ne se tauavaga se olaga avaga fiafia mo se olaga faka-te-kāiga fiafia. E fakaasi mai i te mataupu muamua a uiga kolā e mafai o fesoasoani mai ki a tatou ke ‵lei te fesokotakiga. E fakaasi mai i te lua o mataupu a te mea e ‵tau o fai ke faka‵lei aka a fakalavelave ki fesokotakiga i va o mātua mo tamaliki.

▪ Puipui Tou Tofi Mai te Faiga o Filifiliga ‵Poto

Se a te tofi faka-te-agaga ne tuku atu ki mua o Kelisiano? Se a te mea e mafai o tauloto ne tatou e uiga ki ‵tou tofi mai te fakaakoakoga a Esau? Ne a mea ka mafai o fesoasoani mai ki a tatou ke fai a filifiliga ‵poto e uiga ki ‵tou tofi? Ka maua a tali ki fesili konei i te mataupu tenei..