Kaia e ‵Tau o Olo Atu Fakavave ki ‵Tou Koga Talai?

I te taimi e maopoopo ei tatou mō te galuega talai, e fakatasi tatou mo ‵tou taina kae se mea masani ke ma‵nako tatou o sau‵tala mo latou. Kae ui ei, kafai ko oti te fakatasiga, e ‵tau o olo atu fakavave tatou ki ‵tou koga talai. A te ‵tou galuega talai e manakogina ke fai fakavave. (2 Timo. 4:2) Ko te fui olo fakavave o tatou, ko te mu‵tana foki o ‵tou taimi ki te galuega talai. I te taimi e ga‵lue fakatasi ei tatou i te galuega talai, ka mafai ei o maua ne tatou a avanoaga e uke kolā e mafai o fakamalosi aka ei tatou. A te olo fakavave atu o tatou ki ‵tou koga talai e aunoa mo se fakatalave, e fakaasi atu ei ne tatou te ‵tou loto finafinau i te ga‵lue e pelā me ne pologa ki a Ieova mo tena Tama.​—Loma 12:11.